ရွှေဖီမြေ၊ ဖေဖော်ဝါရီ ၄ ရက်
တအာင်းတပ်မတော်- TNLA ထိန်းချုပ်ထားတဲ့ဒေသမှာ ဇန်နဝါရီလအတွင်း စစ်ကောင်စီတပ်ရဲ့ လေကြောင်း တိုက်ခိုက်မှုကြောင့် အရပ်သား ၁၃ ဦး သေဆုံးပြီး ၂၆ ဦး ဒဏ်ရာ ရခဲ့တယ်လို့ TNLA က ထုတ်ပြန်ပါတယ်။
အဲဒီအထဲမှာ နောင်ချိုက သေဆုံးသူ ၉ ဦးနဲ့ ဒဏ်ရာရသူ ၃ ဦး၊ ကျောက်မဲက သေဆုံးသူ ၄ ဦးနဲ့ ဒဏ်ရာရသူ ၂၃ ဦး ဖြစ်တယ်လို့ ဆိုပါတယ်။
ဒါ့အပြင် လေကြောင်း တိုက်ခိုက်မှုကြောင့် မိုးကုတ်၊ နောင်ချိုနဲ့ ကျောက်မဲမြို့မှာ ဘုန်းကြီးကျောင်းအပါအဝင် နေအိမ် ၂၀ ကျော်လည်း ထိခိုက်ပျက်စီးခဲ့တယ်လို့ ဖော်ပြထားပါတယ်။
စစ်တပ်ဟာ တိုက်ပွဲ ဖြစ်ပွားတာမရှိဘဲ TNLA ထိန်းချုပ်ထားတဲ့ဒေသက လူထုတွေကို ရည်ရွယ်ချက်ရှိရှိ လေကြောင်းကနေ ဗုံးကြဲတိုက်ခိုက်နေတာလို့လည်း ဆိုပါတယ်။
စစ်တပ်က အာဏာသိမ်းပြီး ၄ နှစ်အတွင်း နိုင်ငံတဝန်းမှာ စစ်တပ်က လေကြောင်းတိုက်ခိုက်မှု ၈ ထောင်ကျော် ပြုလုပ်ခဲ့ပြီး အဲဒီအထဲမှာ ရှမ်းပြည်နယ်က အများဆုံးဖြစ်တယ်လို့ ISP Myanmar က မနေ့ ဖေဖော်ဝါရီ ၃ ရက်မှာ ထုတ်ပြန်ထားပါတယ်။
