ပပ၊ ကျံရ်အောဂ်ုတ် ဆငည်း 4၊ လာဆေဝ်
ဘိူန်းအယ်နံပ်တောပ်ပ်ုန်က္လာင်း ကောန်အီပ်ုန် ကဝ်အီဂေါည်ခေဲင်အရာပ်ဒီန်အူအီးဒါႈ ဂေါႇမိုႈအိုမ်ဒါင်းပနံမ့်ပေါ်င် လှံင်လာဆေဝ် ကပီုန်ဆျှံမ်ကဒါႇပိူည် စီပဲန်အိုမ်ပ္လေါင်ဟည်ဟိုက်ဒေဲႈဖါ်ႈ လီပ်ဟာဝ်းဒိုႇ ခေဲင်ဂါင်ဂေါည်အီးကာည်း ခေဲင်ဂီုင်အီးအောႏ။
အဒိူဝ်ကျံရ်အောဂ်ုတ် ဆငည်း 4 ခိင်ညှာကပံတ် 8နြီဒိူန် ဂေါႇမိုႈက္လာည်းဒါင်း စီပဲန်အိုမ်ပ္လေါင် နံမ့်မောဟင် အီဂေါည်ဒီလီပ်ဟာဝ်းခေဲင်ရဝ်နံမ့်ပေါ်င် လှံင်လာဆေဝ်နီန် ဟိုက်ဒေဲႈဖါ်ႈ ဆဲႈဒါႇအိုမ်လီပ်ဟာဝ်းခေဲင်ဂါင် ဟည်ပ်ုန်လူလှေဲဝ်ႏဟာဝ်းဒိုႇ လိုင်းငှေါအီးအောႏ။
ကောန်အီပ်ုန် ကဝ်အီဂေါည်ခေဲင်အရာပ်ဒီန်က္လာင်းဒါႈ “ကဇေန်နီး အိုမ်ဟည်ဇောႈဟာဝ်းစရီတ်ယာ့်။ ခိင်ညှာဒိူန် ကံပ်အာဝ်ဘိူန်းဟာဝ်းႎီရ်။ ကဒါႇဂိုရ်နိုည် ငှေါအီးဟည်လူဟာဝ်းဒိုႇယာ့်”
ကောန်အီပ်ုန်ရကႎိုည်နိုည် က္လာင်းဒါႈ က်ုန်ရောတ်ချီုင်က္လာည်း အိုမ်ဘိူည်ဆမာဒါင်း ပနံမ့်ပေါ်င်မာ် အာဝ်တိူမ်မိူဝ်ႈစိ အိုမ်နိုက်လှိူဝ်းဘည်နီန်အောႏ။
ခည်ကျံရ်ဇူန်လည် နှားအိုည်ဒိူန်မာ် အိုမ်ဟည်ဒါင်းဒေဲႈ ခေဲင်ဇံင် 12၊ ဇံင် 7ကာည်း ခေဲင်က္လာႈဒါင်း ကီုင်းလာဆေဝ်အောႏ။
ဘာည်းလိူည်ဒီန် ဂေါႇမိုႈအိုမ်ဒါင်း ချီုင်က္လာည်း ဆဲႈဒါႇလှံင်ခေဲင်ကပီုန်ဆျှံမ်ကဒါႇပိူည် ကပီုန်ဆျှံမ်ကဒါႇလေႈဆာင်ငည်းကာည်း ကပီုန်ဆျှံမ်ကဒါႇက်ြုမ်မာ် ပဲန်ဒေဲႈအေ့ ဘည်ဒါင်းအိုမ်ကဲနီန်အောႏ။
ကဝ်အီကပ္လါႇဘေဲႇဆဒါင် – Lway N Tra
~ ~ ~
ဆဒါင်ဖုင်ယဲဆျှိည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
