ရွှေဖီမြေ၊ ဇန်နဝါရီ ၃၁ ရက်၊ မိုးမိတ်
တအာင်းတပ်- TNLA ထိန်းချုပ်ထားတဲ့ မိုးမိတ်မြို့ အာသံရပ်ကွက်က အမျိုးသားတစ်ဦး ငှက်ပျောခြံ သွားရှင်းရင်း စစ်ကျန်လက်နက်ဖြစ်တဲ့ လက်နက်ကြီး ပေါက်မိပြီး ပေါက်ကွဲလို့ ဒဏ်ရာအပြင်းအထန် ရခဲ့တယ်လို့ ဖြစ်စဉ်သိရှိသူတစ်ဦးက ပြောပါတယ်။
ပြီးခဲ့တဲ့ ဇန်နဝါရီ ၂၈ ရက် နေ့လယ် ၂ နာရီခွဲမှာ ဖြစ်ပွားခဲ့တာဖြစ်ပြီး အာသံရပ်ကွက်နေ အသက် ၅၀ အရွယ် ဦးစိုင်းမောင်လေးဟာ နမ့်မောင်းချောင်းအနီး သူ့ရဲ့ဌက်ပျောခြံသွားရှင်းချိန် မြေကြီးထဲ စိုက်ဝင်နေတဲ့ ၆၀ မမ လက်နက်ကြီးကို ပေါက်မိခဲ့တာ ဖြစ်ပါတယ်။
၎င်းအမျိုးသားဟာ ညာခြေထောက် ဒူးခေါင်းအောက်၊ ညာလက်ကောက်ဝတ်၊ ဘယ်ဘက်ပုခုံးနဲ့ လည်ပင်း ထိခိုက်ခဲ့ပါတယ်။
ဒဏ်ရာရသူ အမျိုးသားကို မိုးမိတ် ပြည်သူ့ဆေးရုံသို့ ပို့ဆောင်ခဲ့ပြီး ကုသပေးခဲ့ပေမဲ့ မကုသနိုင်တာကြောင့် လက်ရှိမှာတော့ မိုးကုတ် ပြည်သူ့ဆေးရုံဘက် လွှဲပြောင်းပြီး ကုသနေတယ်လို့ သိရပါတယ်။
၁၀၂၇ စစ်ဆင်ရေး ပထမလှိုင်းနဲ့ ဒုတိယလှိုင်းအပြင် လက်ရှိအချိန်ထိ ရှမ်းမြောက်က အရပ်သားတွေဟာ မကြာခဏ မိုင်းနဲ့ စစ်ကျန်လက်နက်ေကြာင့် ထိခိုက်သေဆုံးနေကြဆဲ ဖြစ်ပါတယ်။
