ဆုမွန်၊ ဇူလိုင်လ ၁၆ ရက်၊ မိုးကုတ်
မန္တလေးတိုင်း မိုးကုတ်မြို့ အနောက်ပိုင်းမှာရှိတဲ့ ဗိုလ်ချုပ်အောင်ဆန်းရဲ့ ရုပ်ထုကို စစ်ကောင်စီတပ်က လာရောက်ဖြိုချဖျက်ဆီးသွာရကြောင်း ဒေသခံတွေဆီက သိရပါတယ်။
မနေ့ ဇူလိုင် ၁၅ ရက် ည ၁၀ နာရီဝန်းကျင်မှာ မိုးကုတ်မြို့အနောက်ပိုင်း ပန်းမထိမ်ရပ်ကွက်အတွင်းက လမ်းမကြီးပေါ်ရှိ ဗိုလ်ချုပ်အောင်ဆန်းရဲ့ ရုပ်ထုကို စစ်ကောင်စီတပ်ဖွဲ့ဝင်တွေက လာရောက်ဖျက်ဆီးခဲ့တာ ဖြစ်ပါတယ်။
“ည ၁၀ နာရီအချိန်မှာ စစ်တပ်က မိုးကုတ်အနောက်ပိုင်း ပန်းမရပ်ကွက်အတွင်းရှိ လမ်းမကြီးပေါ်က ပြည်သူရဲ့ဖခင်ကြီးဗိုလ်ချုပ်အောင်ဆန်းရဲ့ ရုပ်ထုကြီးကိုဖျက်ဆီးလိုက်ပြီ။ အဲအိမ်နားက လူတွေ သူတို့ထိန်းသိမ်းထားတာ။ သူတို့ဘက်ဖိုးကားနဲ့ မြေကော်ကားနဲ့လာပြီး ဖျက်ဆီးတယ်။ အဲနားမှာရှိတဲ့ လူတွေကိုလည်း ည ၈ နာရီခေါ်သွားပြီး မနက်အစောပိုင်း ၂ နာရီမှ ပြန်လွှတ်လာတာ သူတို့ဖျက်ဆီးပြီးမှ လွှတ်ပေးတာ”
လာမယ့် ဇူလိုင် (၁၉)ရက် အာဇာနည်နေ့ မရောက်ခင်မှာ စစ်ကောင်စီတပ်က တစ်နိုင်ငံလုံးမှာရှိတဲ့ ဗိုလ်ချုပ်အောင်ဆန်းရုပ်ထုတချို့ကို ဖြိုချဖျက်ဆီးမှုတွေ ဆက်တိုက်ပြုလုပ်နေတာ တွေ့နေရပါတယ်။
ပြီးခဲ့တဲ့ ဇွန်လကနေ ဇူလိုင်လ ပထမအပတ်အထိ စစ်ကောင်စီတပ်ဟာ မြန်မာတစ်နိုင်ငံလုံးရှိ ဗိုလ်ချုပ်အောင်ဆန်းရဲ့ ရုပ်ထု ၁၀ ကျော်ထက်မနည်း ဖြိုချဖယ်ရှားခဲ့တာ ဖြစ်ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
