ဆုမွန်၊ ကျံရ်မေ ဆငည်း 25၊ နောင်ခေဝ်
တိုအီးအရာပ်အူအီး က္လာင်းတဖုင်ဆျှိုည်ဖီမျေဒါႈ ဒီထိင်တံပ်ကညာအာဏာဆီုက်ဇေဝ်ကဲ ပကပီုန်ဆျှံမ်ကဒါႇပိူည် ခေဲင်လှံင်နံင်ခေဝ်နီန် ကောန်အီမာည်းအူအီး ငျားဘိုးဒေညဲ့ဟာဝ်းမဴင် ကတူႈဖေးဘာတ်ဟာဝ်းအောႏ။
ကဲဒါႈ အမှိူဝ် ကျံရ်မေ ဆငည်း 24 စူန်အံပ် 4 နြီလေႈအိုည်ကိူရ်မနေတ်ဒိူန် ခေဲင်လှံင်နောင်ခေဝ် တိုအီးရဝ် လုံရုံး ဦးအိုက်စော ဘိူန်းအဆာက် 57 ဆန်ုမ်နီန် ယိူဝ်ႇတအ်ုန်ရေဲန်ဆပဲဆငါးပလိုင်းနီန် ငျားဒေညဲ့ဟာဝ်းမဴင်အောႏ။
တိုအီးအရာပ်ဒီန် ကောန်အီမာည်းအူအီး က္လာင်းဒါႈ “ခိင်အ်ုန်ရေဲန်အ်ုန်တဆပဲဆငါး ရအာည်ႇဂါင်နီန် အ်ုန်စီငျားညဲ့ဟာဝ်း။ လဟာဝ်းဇိူင်အ်ုန်။ အ်ုန်နံင်ကတူႈဒေ ဂ်ုပ်ကတ်ုတ်ဇိူင်အ်ုန်အူကဒါႇ”။
ဘိူန်းအယ်နံပ် ကဇေန်နီး ကဝ်အီငျားဒေညဲ့မဴင် ဦးအိုက်စောနီန် ကဲတိုန်းဟာဝ်းအ်ုန် ပယုင်ဆနံမ်ဒါင်း ပျီန်အူလူန် ကနာည်နံင် ဆနံမ်းဟာဝ်းအ်ုန်အောႏ။
ခည်ကျံရ်မေ ဆငည်း 12 ဒိူန်မာ် ပကီုင်းနောင်ခေဝ် ခေဲင်ဇံင်ပါဟတ်နီန် ထက်ကိုအောင် ဘိူန်းအဆာက် 19 ဆန်ုမ်နီန် ယိူဝ်ႇတအ်ုန်ပ္လိုႈဟေနီန် ငျားဒေလိုက်ဟာဝ်းမဴင်အောႏ။
ဘာည်းလိူည်ဒီန် ခည်ကျံရ်မေ ဆငည်း 11 ဒိူန်မာ် ခေဲင်လှံင်နောင်ခေဝ် ပရတ်အုမ္မသီးနီန ကောန်အီမာည်း စိုင်းလောင်လျန်း ဘိူန်းအဆာက် 34 နီန် ယိူဝ်ႇတအ်ုန်ရေဲန်ဆပဲဆငါးခေဲင်လိုင်းနီန် ငျားဖါ်ႈဒေက္လမဴင်နီန် ကတူႈဖေးဘာတ်ဟာဝ်းအောႏ။
ကဝ်အီကပ္လါႇဆဒါင် – လိုည်ပိုႈဆပေ
~ ~ ~
ဆဒါင်ဖုင်ယဲဆျှိည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
