အလင်း၊ မေလ ၈ ရက်၊ တီးတိန်
ချင်းပြည်နယ်၊ တီးတိန်မြို့နယ်၊ ဖူနွမ်းကျေးရွာကို စစ်ကောင်စီက ဒရုန်းနဲ့ ဗုံးကြဲတိုက်ခိုက်မှုကြောင့် ပြည်သူ့ကာကွယ်ရေးတပ်(ဇိုလဲန်း) ရဲဘော် ၇ ဦးနဲ့ အရပ်သား ၃ ဦးသေဆုံးခဲ့တယ်လို့ ဒေသခံတွေက ရွှေဖီမြေသို့ ပြောပါတယ်။
စစ်ကောင်စီဟာ တိုက်ပွဲမရှိဘဲ အိန္ဒိယ-မြန်မာနယ်စပ်ရှိ ဖူနွမ်းရွာကို မေလ ၆ ရက်နေ့ ညနေပိုင်းမှာ ဒရုန်းနဲ့ အကြိမ်ကြိမ် ဗုံးကြဲတိုက်ခိုက်ခဲ့တာဖြစ်ပါတယ်။
အဲနေ့ ညနေ ၄ နာရီခန့်မှာ စတင်ပြီး ဖူးနွမ်းရွာကို စစ်ကောင်စီက ဒရုန်းနဲ့ ဗုံးသီး သုံးလုံး ကြဲချခဲ့တာဖြစ်ပြီး ဗုံးတစ်လုံးမှာ ပေါက်ကွဲခဲ့ပေမယ့် နှစ်လုံးဟာ မပေါက်ခဲ့ဘူးလို့ သိရပါတယ်။
အလားတူ ည ၆ နာရီခန့်မှာ စစ်ကောင်စီက ဒုတိယအကြိမ် ဖူနွမ်းရွာ AG ဘုရားကျောင်းကို ဒရုန်းနဲ့ လေကြောင်း ထပ်မံ ဗုံးကြဲခဲ့တိုက်ခိုက်ခဲ့တာဖြစ်ပါတယ်။
“ဒုတိယအကြိမ် တိုက်ခိုက်မှုမှာ ထိခိုက်မှုရှိတာပါ။ ဘုရားကျောင်းကလည်း လုံးဝ ပျက်စီးသွားတယ်။ အနီးအနားမှာ နေထိုင်တဲ့ အရပ်သား ၃ ဦးရယ်၊ ရဲဘော် ၇ ဦး ဗုံးထိမှန် သေဆုံးသွားတာပါ” လို့ တီးတိန်ဒေသခံတစ်ဦးက ရွှေဖီမြေသို့ ပြောပါတယ်။
ကျဆုံးသွားတဲ့ PDF (ဇိုလဲန်း) ရဲဘော် ၇ ဦးထဲမှာ အမျိုးသမီး ရဲဘော် ၇ ဦးပါဝင်တယ်လို့ သိရပါတယ်။
ဒါ့အပြင် ဖူနွမ်းရွာထဲက သက်ကြီးပိုင်း အရပ်သား အမျိုးသားတစ်ဦးကလည်း ဒရုန်း ဗုံးသီးစထိမှန်ပြီး ပြင်းထန်ဒဏ်ရာ ရရှိခဲ့တယ်လို့ သိရပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
