ရွှေဖီမြေ၊ မတ်လ ၁၆ ရက်
ကိုးကန့်တပ်- MNDAA နဲ့ တအာင်းတပ်- TNLA တို့အကြား ဖြစ်ပွားနေတဲ့ ပဋိပက္ခကိုလက်နက်ကိုင်နည်းလမ်းနဲ့ မဖြေရှင်းကြဘဲ တွေ့ ဆုံဆွေးနွေးရေးနဲ့ အဖြေရှာကြဖို့ နွေဦးတော်လှန်ရေး မဟာတပ်ပေါင်းစု(SRA) က ထုတ်ပြန် တောင်းဆိုထားပါတယ်။
လက်ရှိ အချင်းချင်းကြား လက်နက်ကိုင်ပဋိပက္ခ ဖြစ်ပွားနေခြင်းဟာ သက်ဆိုင်ရာအဖွဲ့အစည်း နှစ်ခုတည်းသာ ထိခိုက်ခြင်းမဟုတ်ဘဲ လက်ရှိတော်လှန်ရေး လုပ်နေတဲ့အဖွဲ့အစည်းတစ်ရပ်လုံးအတွက်ပါ အကျိုးသက်ရောက်မှုရှိတယ်လို့ ထုတ်ပြန်ချက်မှာ ဖော်ပြထားပါတယ်။
ဒါကြောင့် အချင်းချင်းကြား ဖြစ်ပွားနေတဲ့ မိတ်ဖက်ပဋိပက္ခတွေကို လက်နက်ကိုင်နည်းလမ်းနဲ့ မဖြေရှင်းကြဘဲ တွေ့ ဆုံဆွေးနွေးအဖြေရှာကြပေးဖို့ တိုက်တွန်းတောင်းဆိုထားပါတယ်။
၁၀၂၇ စစ်ဆင်ရေးတွင်းမှာ ညီနောင်မဟာမိတ်(၃)ဖွဲ့နဲ့အတူ ပူးပေါင်းပါဝင်တိုက်ခိုက်ပြီး စစ်အာဏာရှင်စနစ်ကို ခြေမှုန်းခွင့်ရခဲ့တဲ့အတွက် ၎င်းတို့ နွေဦးတော်လှန်ရေး အင်အားစုတွေအနေနဲ့ အစဥ်အမြဲ ဂုဏ်ယူလျတ်ရှိပါတယ်လို့ ထုတ်ပြန်ချက်မှာ ရေးသားထားပါတယ်။
အလားတူ တအာင်းအရပ်ဘက် အဖွဲ့အစည်းများကွန်ရက်(TCSO)၊ အထူးဒေသ (၁) ကျန်းမာရေးအင်အားစု၊ CDM ကျန်းမာရေးအင်အားစု၊ ကျန်းမာရေးမိသားစု (မန္တလေး)၊ မကွေးဒေသ တော်လှန်ရေးအင်အားစုများ ကွန်ရက်နဲ့ အမျိုးသားညီညွတ်ရေး အတိုင်ပင်ခံကောင်စီ NUCC စတဲ့ အဖွဲ့တွေလည်း တွေ့ဆုံဆွေးနွေးရေးနဲ့ ဖြေရှင်းကြပေးဖို့ ထုတ်ပြန်တောင်းဆိုထားကြပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
