ပို့လဘား၊ မတ်လ ၁၅ ရက်
ကရင်အမျိုးသားအစည်းအရုံး-KNU ထိန်းချုပ်ထားတဲ့ ဆောထိမြို့နယ်နဲ့ သရက်ချောင်းမြို့နယ်ကို စစ်ကောင်စီတပ်က ဒရုန်းနဲ့ လေကြောင်း တိုက်ခိုက်မှုကြောင့် အရပ်သား ၂ ဦးသေဆုံးခဲ့တယ်လို့ KNU က ထုတ်ပြန်ထားပါတယ်။
မနေ့ မတ်လ ၁၄ ရက် ညနေ ၃ နာရီဝန်းကျင်မှာ စစ်ကောင်စီတပ်က သရက်ချောင်းမြို့နယ် ဂုံညှင်းဆိပ်ကျေးရွာကို စစ်ကောင်စီတပ်က ဂျက်ဖိုက်တာနဲ့ ပေါင် ၂၅၀ ဗုံး ၂ လုံး ကြဲချတိုက်ခိုက်ခဲ့တာကြောင့် ဒေသခံတစ်ဦး သေဆုံးပြီး ဘုန်းကြီးကျောင်းတစ်လုံး ထိခိုက်ပျက်စီးခဲ့တာဖြစ်ပါတယ်။
KNU ရဲ့ ပြောရေးဆိုခွင့်ရှိသူ ပဒိုစောတောနီးက “အဲရွာဘက်ပိုင်းတွေမှာ တိုက်ပွဲဖြစ်ပွားတာလည်း မရှိပါဘူး။ ဒီတိုင်းရမ်းသမ်းပြီး ပစ်လာနေကြတာ” လို့ ပြောပါတယ်။
ဒါ့အပြင် ဆောထိမြို့နယ် ကောက်မဲ့သူကျေးရွာကိုလည်း စစ်ကောင်စီတပ်က ပြီးခဲ့တဲ့ မတ်လ ၁၃ ရက်မှာ ဒရုန်းနဲ့ ဗုံး ၃ လုံးကြဲချတိုက်ခိုက်ခဲ့တာကြောင့် အသက် ၃၂ နှစ်အရွယ်ရှိတဲ့ ကျော်ဇော်လင်း ဆိုသူအမျိုးသားတစ်ဦးက သေဆုံးခဲ့ပါတယ်။
ဒါ့အပြင် ပြီးခဲ့တဲ့ မတ်လ ၁၁ ရက် ညနေပိုင်းနဲ့ ၁၂ ရက် မနက်ပိုင်းမှာလည်း စစ်ကောင်စီတပ်က ကညင်ကျွန်းကျေးရွာကို ဒရုန်းနဲ့ ထပ်မံလာရောက်ကြဲချတိုက်ခိုက်ခဲ့တာကြောင့် နေအိမ် ၅ လုံး ထိခိုက်ပျက်စီးခဲ့တာဖြစ်ပါတယ်။
ပြီးခဲ့တဲ့ မတ်လ ၁၀ ရက်ကလည်း လယ်မူလားမြို့နယ် တကူကျေးရွာကို စစ်ကောင်စီတပ်က ဂျက်ဖိုက်ဝာာနဲ့ ပေါင် ၂၅၀ ဗုံး ၄ လုံး ကြဲချတိုက်ခိုက်လို့ ကလေး ၁ ဦးအပါအဝင် ၄ ဦးသေဆုံးပြီး ၁၂ ဦး ထိခိုက်ဒဏ်ရာရရှိခဲ့ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
