ပို့လဘား၊ မတ်လ ၉ ရက်၊ နမ့်ဖတ်ကာ
ရှမ်းမြောက် ကွတ်ခိုင်မြို့နယ် နမ့်ဖတ်ကာကျေးရွာမှာ နေအိမ်တစ်လုံး မီးလောင်လို့ အိပ်ပျော်နေတဲ့ မြေးအဖွားနှစ်ဦး သေဆုံးခဲ့တယ်လို့ ဖြစ်စဉ်သိရှိသူ အမျိုးသားတစ်ဦးက ပြောပါတယ်။
မနေ့ မတ်လ ၈ ရက် ည ၉ နာရီမှာ နမ့်ဖတ်ကာရွာရှိ ရပ်ကွက် ၆ မှာ ဖယောင်းတိုင် မီးထွန်းရာကနေ မီးလောင်ခဲ့တာပဲ ဖြစ်ပါတယ်။
“သူတို့အဖွားက အိမ်ရဲ့နံရံတိုင်တစ်ခုမှာ ဖယောင်းတိုင် ထွန်းထားတာ။ သူထွန်းထားတဲ့ ဖယောင်းတိုင်က သူတို့ဝယ်ထားတဲ့ ဓာတ်ဆီပုံးပေါ် ပြုတ်ကျလို့ မီး စလောင်သွားတာ။ သူ့တို့အဖွားနဲ့ မြေးလေးက မီးထဲ ပါသွားတာ။ မီးသတ်ကားက လာတယ်။ လာတဲ့အချိန်မှာ အကုန်မီးလောင်သွားပြီ”
နေအိမ် မီးလောင်မှုအတွင်း သေဆုံးသွားသူဟာ အသက် ၁၀ နစ်အရွယ် လွေးအေပို့ကီနဲ့ ၆၀ နှစ်အရွယ် ဒေါ်အမ်ခေါင် ဖြစ်ပါတယ်။
ပြီးခဲ့တဲ့ မတ်လ ၅ ရက်ကလည်း မန်တုံမြို့နယ် တောမောကျေးရွာက ဘုန်ကြီးကျောင်းမှာလည်း မီးလောင်မှု ဖြစ်ပွားခဲ့ပါတယ်။
တအာင်းတပ် ထိန်းချုပ်ထားတဲ့ ကွတ်ခိုင်၊ နမ့်ဆန်နဲ့ မိုင်းဝီးမြို့မှာ ပြီးခဲ့တဲ့ ဖေဖော်ဝါရီ တစ်လအတွင်း မီးလောင်မှု ၃ ကြိမ် ဖြစ်ပွားခဲ့ပြီး မီးလောင်ဆုံးရှုံးသွားတဲ့ တန်ဖိုးဟာ သိန်းပေါင်း ၈၀၀ ကျော် ရှိတယ်လို့ တအာင်းတပ်မတော်ရဲ့ သတင်းနဲ့ ပြန်ကြားရေးဌာန ထုတ်ပြန်ချက်အရ သိရပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
