မိုင်းပန်ပျော်၊ ဇန်နဝါရီ ၁၉ ရက်၊ သီပေါ
ရှမ်းမြောက် သီပေါမြို့နယ်ထဲက ဒုဌဝတီမြစ်မှာ အသက် ၅ဝ အရွယ် အမျိုးသားတစ်ဦး ရေနစ်သေဆုံးခဲ့ပါတယ်။
ဇန်နဝါရီ ၁၇ ရက်မှာ အမျိုးသားတစ်ဦးက ရေနစ်ပြီး သေဆုံးခဲ့တာလို့ နယ်စည်းမခြား ပရဟိတအသင်း (သီပေါ)ရဲ့ တာဝန်ရှိသူတစ်ဦးက ရွှေဖီမြေကို ပြောပါတယ်။
“အသက် ၅၀ ကျော်ပါ။ ဖြစ်စဉ်တော့ မသိဘူး။ ရဲတွေက အကြောင်းကြားလို့ သွားသယ်တာ”
ရေနစ်သေဆုံးခဲ့တဲ့ အမျိုးသားဟာ သီပေါမြို့ ဇာတ်စုရပ်ကွက်မှာ နေထိုင်တဲ့ ဦးဖိုးတုတ်ဆိုသူဖြစ်ပြီး အလောင်းကို နယ်စည်းမခြား ပရဟိတ (သီပေါ)အသင်းက သွားရောက် သယ်ဆောင်ပြီး ရင်ခွဲရုံသို့ ပို့ဆောင်ပေးခဲ့ပါတယ်။
ပြီးခဲ့တဲ့ ၂ဝ၂၄ မေလကလည်း သီပေါ ဒုဌဝတီမြစ်မှာ အမျိုးသမီး ၂ ဦး ရေနစ်ပြီး ၁ ဦး သေဆုံးခဲ့ဖူးပါတယ်။
