မိုင်းရူပ၊ ဒီဇင်ဘာ ၂၄ ရက်
တရုတ်ရဲ့ ကြားဝင်မှုနဲ့ စစ်ကောင်စီပြန်ရခဲဲဲ့တဲ့ မန္တလေးတိုင်း မိုးကုတ်မြို့နယ်မှာ စစ်ကောင်စီနဲ့ ပြည်သူ့ကာကွယ်ရေးတပ်- PDF တပ်တွေအကြား ၂ ပတ်ကျော်အတွင်း တိုက်ပွဲ ၁၅ ကြိမ်ဖြစ်ပွားခဲ့တယ်လို့ အမျိုးသားညီညွတ်ရေးအစိုးရ- NUG က သတင်းထုတ်ပြန်လာပါတယ်။
ပြီးခဲ့တဲ့ ဒီဇင်ဘာ ယ (၇) ရက်ကနေ ဒီနေ့ ဒီဇင်ဘာလ (၂၄) ရက်နေ့အထိ မိုးကုတ်မြို့နယ်မှာ တိုက်ပွဲငယ်၉ ကြိမ်နဲ့ တိုက်ပွကြီး ၉ ကြိမ်ဖြစ်ပွားခဲ့တယ်လို့ ဆိုပါတယ်။
နှစ်ပတ်ကျော်ကြာ တိုက်ပွဲအတွင်း စစ်ကောင်စီဘက်က ၁၈ ဦးသေဆုံးပြီး ၃ ဦးအရှင်ဖမ်းမိခဲ့တယ်လို့ ထုတ်ပြန်ချက်ထဲ ဖော်ပြထားပါတယ်။
ဒါ့အပြင် မိုးကုတ်မြို့နယ်တိုက်ပွဲမှာ တော်လှန်ရေးတပ်တွေဘက်က ကျေးရွာတစ်ရွာနဲ့ စိုးမိုးကုန်းတစ်ခုကိုPDF တွေဘက်က ထပ်မံသိမ်းပိုက်နိုင်ခဲ့ပါတယ်။
NUG ရဲ့ ကာကွယ်ရေးဝန်ကြီးဌာနအနေနဲ့ မိုးကုတ်နဲ့ မိုးမိတ်မြို့နယ်ထဲကို ဝင်ရောက်လာတဲ့ စစ်ကောင်စီတပ်ကို ဆက်လက်တိုက်ခိုက်ဝင်သွားမယ်လို့ NUG က ဆိုပါတယ်။
ဒီနေ့ ဒီဇင်ဘာ ၂၄ ရက် နေ့လည်ပိုင်းအထိ မိုးကုတ်- တွင်းငယ်လမ်းပိုင်းမှာ ရေတံခွန်ရွာအနီးမှာ စစ်ကောင်စီနဲ့ တော်လှန်ရေးတပ်တွေအကြား တိုက်ပွဲပြင်းထန်နေတယ်လို့ မြေပြင်အခြေအနေသိရှိသူတစ်ဦးက ရွှေဖီမြေကို ပြောပါတယ်။
“ဒီနေ့ နေ့လည် ၂ နာရီခွဲအထိ ပစ်ခတ်သံတွေ ကြားနေရသေးတယ်။ တိုက်ပွဲက ရေတံခွန်နဲ့ ဘော်ဒေရွာကြားမှာ ရွှေသဲဆိုတဲ့ရွာရှိတယ်။ အဲမှာ ဖြစ်နေတာ။စကစဘက်က ရှေ့တိုးလာနေတာ” လို့ ဆိုပါတယ်။
စစ်ကောင်စီတပ်ဟာ တရုတ်နိုင်ငံရဲ့ ကြားဝင်မှုနဲ့ ပြီးခဲ့တဲ့ နိုဝင်ဘာ ၂၉ ရက်နဲ့ ၃၀ ရက်မှာ တအာင်းတပ်မတော်- TNLA ထိန်းချုပ်ထားတဲ့ မိုးမိတ်နဲ့ မိုးကုတ်မြို့ထဲကို ဝင်ရောက်လာတာ ဖြစ်ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
