ရူပ်ရာင် – SPM

မိုင်းဖိူမ်းဆငဲ၊ ဒီဆဲမ်ဘာ ဆငည်း 12၊ မိုဂူႈ

ကဝ်အီကဒံပ်တောပ်ရမာကဲ က္လာင်းတဖုင်ဆျှိုည်ဖီမျေဒါႈ ဒီဗီရ်ထိင်ခြဲ တံပ်ကညာအာဏာဆီုက်ဇေဝ်ကဲတ ခေဲင်လှံင်မိုဂူႈနီန် ကောန်ဆီုက်တံပ်ကညာအာဏာဆီုက်ဇေဝ် ကဲအီရဲ့ဂေတ်ကဲ တိုည်းဟာဝ်းတိုအီး လီဆူ ရဝ်ပိန်းပြစ်ကဲ 3 အီးအောႏ။

ဘည်မိုႈဘည်ဘာည်းအ်ုန်မိုႈ ခည်ကျံရ်ဒီဆဲမ်ဘာ ဆငည်း 2 ဒိူန် ကဝ်အီဟာဝ်းပက္လာႈမိုဂူႈ အ်ုန်အီဇီုဝ် ဦးသိန်းလေး ဘိူန်းအဆာက် 53 ဆန်ုမ် ကာည်း ဦးဆီမီး အဆာက် 45 ဆန်ုမ်၊ မောင်ဇီးဆီး အဆာက် 22 ဆန်ုမ်နီန် ခိင်ဗီရ်ဒေဲႈကဲ ပရဝ်ပိန်းပြစ်နီန် ကတူႈကဲတိုည်းဟာဝ်းအောႏ။

ကဝ်အီကဒံပ်တောပ်ရမာကဲအူအီးက္လာင်းဒါႈ “ ပမိုဂူႈနီန် ခြိူဝ်းယဲကတူႈတိုည်း။ အီတိုည်းဟာဝ်းမိုႈ တံပ်ကညာအာဏာဆီုက်ဇေဝ်ကဲ။ အာဝ်ဘိူန်းနံပ်စိ မှောကဲဘာည်း။ မှောကဲတိုန်းအူန်းကဲမာ် အာဝ်နံပ်။ မိုႈကဲဟည်ယံမ်း ကဲဆီုင်ဂီုည်ဒါ့်ဂေါည်မာ်အာဝ်နံပ်၊ ကဲမိုႈလိူည်တိုအီးလီဆူ ဆေမာ်ကဲအာဝ်နံပ်”။

အ်ုန်ဆီုပ်က္လာင်းဒါႈဘိုး တိုအီးကဲအီကတူႈတိုည်းဟာဝ်းကဲဒီန် ကဲအာဝ်မိုႈစိ အီကဆီုဝ်ကဆဲင်တောပ်ဖုင်တံပ်ကဲ ဆဲႈဒီန် အာဝ်မိုႈစိအီရေဲန် လံပ်အရေးတီုင်ကုင်နီန် ကဲမိုႈလိူည်တိုအီးရဝ် ကဲအီရေဲန်ဟောမ်ပနောအောႏ။

ဘိူန်းအယ်နံပ်ကဲဒါႈ လောင်အီကဆီုဝ်ကဆဲင်တောပ် ပ်ုန်တိုည်းဟာဝ်းကဲ တိုအီးရဝ် 3 အီးနီန် တိုအီးဒါင်းပရဝ်ကဲ ဘိူည်ဟာဝ်းကယိူဝ်းတောပ် တံပ်ကညာအာဏာဆီုက်ဇေဝ်ကဲမာ် ဆဲႈဒါႇအာဝ်ဘိူန်းယိူဝ်းကဲ ကတူႈဘိုးကဲအေႈအောႏ။

ဂေါႇပ်ုန်လီပ်ကမိုန်ဒဲႈခယ်ကဲ တံပ်ကညာအာဏာဆီုက်ဇေဝ်ကဲ ဗီရ်လာည်းဟာဝ်းဖါ်ႈကီုင်းမိုဂူႈနီန်တ တံပ်ဆီုက်တအာင်း TNLA ကဲ ခည်ကျံရ်နိုဗဲမ်ညာ ဆငည်း 29 ဒိူန် ကဲစီဇူႈဒေလီပ်ဟာဝ်း ခေဲင်ကီုင်းမိုဂူႈအောႏ။

ဘံန်လီပ်ဟာဝ်းကဲခေဲင်ကီုင်း ဘံန်လှေင် 3 ဆငည်း ကျံရ်ဒီဆဲမ်ဘာ ဆငည်း 2 ဒိူန်ကဲတိုည်းဟာဝ်းပွံတ် တိုအီးအရာပ်ကဲ 3 အီးဂေါႇအမှုအာဝ်ဆံင်ခါနီန်အောႏ။

ကဝ်အီကပ္လါႇဘေဲႇဆဒါင် – လိုည်းပိုႈဆပေ

~ ~ ~

ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။ ‎

Shwe Phee Myay YouTube

Shwe Phee Myay Telegram

Sign Up for Our Newsletters

Get notified of the best deals on our WordPress themes.

You May Also Like

ခေဲင်ကီုင်းမာဝ်းဝံင်းနီန် တံပ်ဆီုက်ကညာအာဏာဆီုက်ဇေဝ်ကဲ ဂီုည်ပဲန်ကရဲင်ပ္လေါည်ကတီုက်ကပဲင်

ဘိူန်းအယ်နံပ် ဒီထိုးဟာဝ်း တံပ်ကညာအာဏာဆီုက်ဇေဝ်ကဲ ခေဲင်ကီုင်းမာဝ်း ရီမ်းပြောခိုမုန်နီန် တံပ်ကညာအာဏာဆီုက်ဇေဝ် ကာည်း တံပ်ဆီုက်တအာင်း TNLA ကဲပဲန်ကရဲင်ဖါ်ႈ ပ္လေါည်ကတီုက်ကပဴင်နီန် ခေဲင်ကီုင်းမာဝ်းႎံင်းဒီ‌ေပန်ခ္လနီန် ဂီုည်မိုႈလိူည် TNLA ကဲ ထိင်ခြဲအောႏ။

တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင်တောပ်ကော်င် ခေဲင်ရဝ်လုံဝယ် တိုက်ဟာဝ်းဘိုးဂါင်ဂေါည်

တံပ်ဆီုက်တအာင်း TNLA ကဲ ပ္လိူရ်ႈလေႈဒါႈ ဒီပဲန်ကရဲင် ပ္လေါည်ကတီုက်ကပဴင် ခေဲင်လှံင်မာဝ်းႎံင်းနီန် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ်ပျောႈဟာဝ်းဘျုင် 30 ပိုင်း ကာည်း ဘျုင်တောပ်ကော်င် 3 ပိုင်းအောႏ။

ဒီခေဲင်ကီုင်းသပိတ်ကျင်းနီန် ကဒါႇဂီုန်း တံပ်ကညာအာဏာဆီုက်ဇေဝ်ကဲ ဟည်ႎီရ်ဘိူန်းဒေ ထိင်ခြဲ

ကဲအီဂေါည်ခေဲင်ပ္လေါည်ကတီုက်ကပဴင်ကဲနီန် က္လာင်းတဆျှိုည်ဖီမျေဒါႈ ဒီကီုင်းသပိတ်ကျင်း ကပီုန်ဒါင်းမာန်းတလေး အ်ုန်အီမိုႈဒီပ်ုန်ထိင်ခြဲအူန်း တံပ်လံပ်တီုက်ႎှီုန်းကဲနီန် ကဒါႇဂီုန်း တံပ်ကညာအာဏာဆီုက်ဇေဝ်ကဲ ဟည်ႎီရ်ဘိူန်းဒေ ထိင်ခြဲအူန်း ခည်ကျံရ်ဇူန်လည် ဆငည်း 22ဒိူန်အောႏ။

ဂေါႇမိုႈကဝ်အီဇိူရ်ႈကားနီန် ဒါဘိုတ်ဘြူႈ ကောန်အီမာည်း 2အီး ဂါရ်အီကဇိူရ်ႈကယံင်းကား ပတော်င်စီး စီပဲန် 1အီးယံမ်းဖါ်ႈ ဘာတ်အူအီး

ဂေါႇမိုႈကဝ်အီဇိူရ်ႈကားနီန် ဒါဘိုတ်ဘြူႈ ဂါရ်ႎါႎည်း 2အီး အီကဇိူရ်ႈကယံင်းကား ပကီုင်းအေးသာယာ လှံင်တော်င်စီး ကပီုန်ဆျှံမ်ကဒါႇက်ြုမ် အ်ုန်အီမိုႈ ဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် စီပဲန် ကဝ်အီမိုႈႎါးအ်ုန် ယံမ်းဖါ်ႈ ကဝ်အီမိုႈႎည်းစီ ကတူႈဟာဝ်းဖေးဆဲဝ်အောႏ။