မာည်းရူပ၊ ကျံရ်ဒီဆဲမ်ဘာ ဆငည်း 1၊ မိုဂူႈ
ဂေါႇပ်ုန်လီပ်ကမိုန်ဒဲႈခယ်ကဲ ခည်ကျံရ်နိုႎဲမ်ဘာ ဆငည်း 29 စူန်အံပ်ဒိူန် တံပ်ကညာဏာဆီုက်ဇေဝ်ကဲ အ်ုန်အီဂေါည်ရဲင်ဘ္လောမ်ဒါဟြဲင်နီန် လီပ်ဒေဲႈခေဲင်ကီုင်းမိုဂူႈ အ်ုန်အီမိုႈဒီထိင်ခြဲတံပ်ဆီုက်တအာင်း PSLF/TNLAကဲအောႏ။
ကဝ်အီနံပ်ဘည်ခူရ်က္လာည်းအရာပ်အူအီး က္လာည်းတဖုင်ဆျှိုည်မျေဒါႈ တံပ်ကညာအာဏာဆီုက်ဇေဝ်ကဲ ဒေင်ကဒါႇဒေင်မိုဂူႈ-နောင်ခေဝ်နီန်စီ လီပ်ဒေဲႈခေဲင်မိုဂူႈ ဒါကားဆီုက်ကပံတ် 100 လေႈအောႏ။
“ အ်ုန်မိုႈကား 100 ကြောင်ဒီႈ ကားအီတာင်ဂြို နံင်မိုႈ 20 ကြောင်။ ကဇေန်နီး ခေဲင်ကီုင်းမိုဂူႈနီန် ရဲင်ဘ္လောမ်ကဲ နင်ဂေါည် ကပံတ် 1600 ဒီကော်။ ကဇေန်နီးကဲပြံတ်အူန်း ရဲင်ဘ္လောမ်ကဲ ခေဲင်ကီုင်းမိုဂူႈ”
အ်ုန်ဆီုပ်ဒါႈဘိုး အမှိူဝ် ကျံရ်နိုႎဲမ်ဘာ ဆငည်း 30 ကာည်း အဒိူဝ် ကျံရ်ဒီဆဲမ်ဘာ ဆငည်း 1 နီန် တံပ်ဆီုက်ကညာအာဏာဆီုက်ဇေဝ်ကဲ နံင်လီပ်ဒေဲႈဘိုးခေဲင်ကီုင်းမိုဂူႈ ဆဲႈဒီန်နံင်ဆီုပ်လီပ်ဟာဝ်းဘိုးခေဲင်ကီုင်းမိူင်မီတ်အောႏ။
တောပ်ဒေင်ဒီလီပ်ဒေဲႈတံပ်ကညာအာဏာဆီုက်ဇေဝ်ကဲနီန် အ်ုန်မိုႈ တံပ်ဆီုက်တအာင်း TNLA ကဲချဟာဝ်းဒီ၊ ဒီလီပ်လေႈခေဲက်ကီုင်းမာ် ဆီုင်ဂီုည်ဒါ့်ဘိ ခေဲင်ကီုင်းနီန်မာ် ဘြောင်ချှာင် ကာည်း ဖုင်ပလိက်ကဲဆီုင်ဂီုည်ဒါ့်ဂေါည်အောႏ။
ဂီုည်က္လာင်းဒါႈဘိုး တိုအီးကီုင်းမိုဂူႈကဲ 90 ခေဲင်ပယာ်ႈနီန် ဟည်ဒဝ်ဟာဝ်းဒီလောတ်ဖေးရာန် ကဒါႇတအာင်းကဲမာ် ဆာ်က္လိုတ်ဒါႇကီုင်းမိုဂူႈနီန် အ်ုန်နှေရ်နံင်ပဲန်ဘိုး ပ္လေါည်ကတီုက်ကပဴင်နီန်အောႏ။
ဂေါႇပ်ုန်လီပ်ကမိုန်ဒဲႈခယ် ဇူႈပွံတ်ကျံရ်နိုႎဲမ်ဘာ ဆငည်း 29ဒိူန် တံပ်ကညာအာဏာဆီုက်ဇေဝ်ကဲကာည်း TNLA ကဲ ဆဖောဖါ်ႈ ကနာည်နံင်ဇံင်းဒါ့် လံပ်ကတီုက်ကပဴင် တံပ်ဆီုက်တအာင်းကဲမာ် ဆဖောဟာဝ်းပွံတ် ကနာည်နံင်အာပ်ႎီရ် မိုဂူႈကာည်း မိူင်းမီတ်နီန် တတံပ်ကညာအာဏာဆီုက်ဇေဝ်ကဲအောႏ။
တောပ်ပည်လောင်ပ်ုန်လည်ခ္လါည်းဒဲႈကဲနီန် ကဒါႇတံပ်ကညာအာဏာဆီုက်ဇေဝ်ကဲ ကာည်း တံပ်ဆီုက်တအာင်းကဲ ညှံမ်ပ္လိူရ်ႈလေႈစိဆေအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
~ ~ ~
ဆဒါင်ဖုင်ယဲဆျှိည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
