မာည်းရူပ၊ ကျံရ်နိုဗဲမ်ဘာ ဆငည်း 20၊ သပိတ်ကျင်း
မန္တလေး PDF ကဲပ္လိူရ်ႈလေႈဒါႈ ဒီဘိူန်းမန္တလေး PDF ကဲတထိင်ခြဲ ကပီုန်ဒါင်း မန္တလေး ခေဲင်လှံင်သပိတ်ကျင်းနီန် တံပ်ကညာအာဏာဆီုက်ဇေဝ်ကဲ ပျောႈဟာဝ်းဘျုင် ပရဝ်လက်ပံပြန့်နီန် တိုအီးအရာပ် 2 အီးယံမ်းဟာဝ်းဖါ်ႈ 3 အီးကတူႈဖေးဘာတ်ကဆဝ်းအောႏ။
အမှိူဝ် ကျံရ်နိုဗဲမ်ဘာ ဆငည်း 19 ဇူန်အံပ် ကပံတ် 4 နြီလေႈ အိုည်ကိူရ်မနေတ်ဒိူန် တံပ်ကညာအာဏာဆီုက်ဇေဝ်ကဲ ဒါဂျက်ဖိုက်တာ ပျောႈဟာဝ်းဘျုင် ဒီအာဝ်မိူဝ်ႈ ပ္လေါည်ကတီုက်ကပဴင် ခေဲင်ရဝ်လက်ပံပြန့်နီန်အောႏ။
ဂေါႇဘျုင်ပ်ုန်ပျောႈဟာဝ်း တံပ်ကညာအာဏာဆီုက်ဇေဝ်ကဲ ဂါင်ဂေါည်ပေန်ခ္လဒိူန် လူလှဲဝ်ႏဟာဝ်းဖါ်ႈ ခေဲင်ကဲအီယံမ်းဟာဝ်း ကာည်း အီကတူႈဖေးနီန် ညှံမ်နံပ်ကတီးကရီးစိအ်ုန်မိုႈ ကောန်အီပ်ုန်၊ကောန်အီမာည်း။
ကဝ်အီဒဲႈဆဒါင်းအူအီး က္လာင်းတဖုင်ဆျှိုည်ဖီမျေဒါႈ ကဇေန်နီး ခေဲင်လှံင်သပိတ်ကျင်း ရီမ်းပြောဖော့တော့နီန် တံပ်ကညာအာဏာဆီုက်ဇေဝ် ကာည်း တံပ်လံပ်တီုက်ဗှီုန်းကဲ ပဲန်ဟာဝ်းပ္လေါည်ကတီုက်ကပဴင် ကဒါႇတံပ်ကညာအာဏာဆီုက်ဇေဝ်ကဲ ဆဲႈဒါႇကဲတ ယာန်ပ်ုရ်ပျောႈနီန် ဒရုန်းမာ်ကဲဒါပျောႈဟာဝ်းအောႏ။
“ ကဒါႇသပိတ်ကျင်းနီန် ဘိူည်အာဝ်ပဲန်ကဆဝ်း ပ္လေါည်ကတီုက်ကပဴင်မာ် ပ္လေလာက်နာက်ဒါင်း၊ ဒရုန်းကဲနီန် ကဲပျော;တောန်ဆငည်း။ ပ္လေါည်ကတီုက်ကပဲင်မာ် အ်ုန်ပဲန်အေ့ မို;လိူည်ဘြေ့”
တံပ်ကညာအာဏာဆီုက်ဇေဝ်ကဲ ဆဲ;ဒါ,ပျော;ကစံပ်ဟာဝ်းကဲတ ဘျုင်ဒါယာန်ပ်ုရ်နီန် ဒီထိင်ခြဲ တံပ်လံပ်တီုက်ဗှီုန်းကဲ တောပ်ပည်လှံင်စဉ့်ကူးနီန် ပသပိတ်ကျင်း၊ လှံင်မတ္တရာမာ် ကဲထိုးလီပ်တီုက်ဟာဝ်းအောႏ။
ခည်ကျံရ်နိုဗဲမ်ဘာ ဆငည်း 12 ဒိူန်မာ် တံပ်ကညာအာဏာဆီုက်ဇေဝ်ကဲ ပျောႏဟာဝ်းဘျုင် ခေဲင်လှံင်စဉ်ကူး ပရဝ်မာလဲနီန် လဟာဝ်းလူဟာဝ်းဖါ်ႏ ကျောင်ပနောဘေဲႇကဲ တိုအီးအရာပ်ကဲမာ် ယံမ်းဟာဝ်း 5 အီး 5 အီးကတူႈဖေးဘာတ်ဟာဝ်းအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
