မာည်းရူပ၊ နိုဗဲမ်ဘာ ဆငည်း 8၊ ရူကော
တိုအီးအရာပ်ကဲ က္လာင်းတဖုင်ဆျှိုည်ဖီမျေဒါႈ ဂေါႇမိုႈဘြည်က္လာည်းကစံပ်နီန် ရဝ်အ်ုန်အီဂေါည် ခနားလှံင်ရူကော ကာည်း လှံင်အိုမ်ငျံရ် တောပ်ပည်ရဝ်မိူင်ဘော်နီန် အိုမ်ဟည်လှူပ်ဟာဝ်းဒိုည်ႇငှေါ ရဝ် 7 ရဝ်အောႏ။
ရဝ်အ်ုန်အီဂေါည်ကစံပ်တောပ် လှံင်အိုမ်ငျံရ် ကာည်း လှံင်ရူကော ရဝ်ခေဲင်လှံင်ရူကော မိုင်းယုတ်၊ မန်မိုင်၊ ဟိုနား၊ မိူင်ဘော်၊ နောင်ဆိုင်း၊ မော်တိုက် ကာည်း ရဝ်တိုက်လတ် ငှေါရဝ်ကဲနီန် အိုမ်ဟည်လှူပ်ဟာဝ်းဒိုည်ႇအောႏ။
တိုအီးရဝ် မိူင်ဘော် ကောန်အီမာည်းအူအီး က္လာင်းတဖုင်ဆျှိုည်ဖီမျေဒါႈ “ ပ်ုန်လူလှဲဝ်ႏဟာဝ်းအ်ုန် ဂီုန်းခည်း။ ငှေါမာ်တောပ်ဟာဝ်းဒိုည်ႇခေဲင်အိုမ်။ ရဝ်အ်ုန်အီဂေါည်တောပ်ခေဲင်ရဝ်မိူင်ဘော်နီန် လူလှဲဝ်ႏဖါ်ႈ အိုမ်မာ်ဟည်လှူပ်ဟာဝ်းဒိုည်ႇ။ အာမဒါင်းအ်ုန်မိုႈ ငှေါအ်ုန်အီဂေါည် ရီမ်းပြောအိုမ်ပ္လေါင်မိုႈ အီလူလှဲဝ်ႏ”
အ်ုန်ဆီုပ်က္လာင်းဒါႈဘိုး ဂေါႇလှူပ်ဟာဝ်းဒိုႇ အိုမ်ဒီန် ညှံမ်ဘယ်စိဒေ က္လာင်းထာန်လူလှဲဝ်ႏဟာဝ်းအ်ုန်အောႏ။
ဇူႈဒါကျံရ်နိုဗဲမ်ဘာ ဆငည်း 1 ဒိူန် ဂေါႇမိုႈ ဘြည်က္လာည်းကစံပ်နီန် ခေဲင်ကပီုန်ဆျှံမ်ကဒါႇပိူည်နီန် တောပ်ပည်ကီုင်းအိုမ်ငျံရ် ခေဲင်လှံင်အေဲမ်ကိုက် ပရဝ်နံမ်ဖက်ကာမာ် အိုမ်လှူပ်ဟာဝ်းဒိုည်ႇ ငှေါကဲအောႏ။
ဆဲႈဒီန် ဂေါႇမိုႈဘြည်က္လာည်းကစံပ်နီန် ဒေင်အိုမ်ငျံရ် – ရူကော၊ အိုမ်ငျံရ် – မိူင်ဘော် ဒေင်ပေန်ခ္လဒိူန် ပဲန်ဟာဝ်းကတာည်းတက္လာႏဖါ်ႏ ဘည်အာဝ်ဘိူန်းခ္လေါႈမာ် မိုႈအေ့အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
