ယာရူစိင်၊ ကျံရ်နိုႎဲမ်ဘာ ဆငည်း 5၊ ရူကော
ဂေါႇမိုႈက္လာည်းဒါင်းကစံပ်ဇာဝ်း စီပဲန်အိုမ်ဟည်လှူပ်ဟာဝ်း ကပုနံမ့်ရီး အ်ုန်အီကစာမ်အူန်း ခနားရဝ်မိူင်းဘော်ကာည်း လှံင်အိုမ်ငျံရ် စီပဲန်တိုအီးခေဲင်အရာပ်ကဲ အူအီး က္လာင်းဒါႈ ညှံမ်ဘိူန်းစိ ခ္လေါႈဟာဝ်းခ္လေါႈႎီရ်အောႏ။
ဂေါႇမိုႈဘြည်က္လာည်းဒါင်းကစံပ် ဇူႈပွံတ်ကျံရ်နိုႎဲမ်ဘာ ဆငည်း 1 ရောတ်ဘံင်ဆငည်း 4နီန် တောန်ဆငည်း စီပဲန်အိုမ်လှူပ်ဟာဝ်း ကပုနံမ့်ရီးဒီန်အောႏ။
တိုအီးခေဲင်အရာပ်ဒီန် ဆီုပ်က္လာင်းဒါႈ “ဘံင်ဆငည်း 3ဒိူန် ဆီုင်ဘိူန်းအူန်းခ္လေါႈဟာဝ်းခ္လေါႈႎီရ်။ အိုမ်အ်ုန်ဇူႈဟိုက်လိူည် အဒိူဝ် ဂေါႇဘည်ဒီန် စီပဲန်အာဝ်ဘိူန်းယာ့်ခ္လေါႈ။ ခိင်မှိူဝ်ဒိူန် က္လာင်းဒါင်းခည်း”
ခည်ကျံရ်ဇူန်လည် ဆငည်း 7 စူန်မှိူဝ်ဒိူန်မာ် ခိင်ကောန်ဆီုက်တအာင်း ဂါရ် 2အီး ယိူဝ်ႇကဒါႇရဝ်မိူင်းဘော်နီန် ႎီရ်ဒါဆဲင်ကယ် ခိင်ခ္လေါႈဒေဲႈဂါရ် ပပ္လေါင်နံမ့်ရီးဒီန် တိူမ်မိူဝ်ႈအေ့ ဘည်ယိုင်းဟာဝ်းဖါ်ႈအိုမ် စီယံမ်းဟာဝ်းနီန်အောႏ။
တိုအီးခေဲင်အရာပ်ကဲ က္လာင်းဒါႈ တောန်အီရောတ်ချီုင်ဘြည်က္လာင်း မိူဝ်ႈပွံတ်အီယံမ်းဟာဝ်း ပပ္လေါင်နံမ့်ရီးနီန် တောန်ဆန်ုမ်အောႏ။
ဘာည်းလိူည်ဒီန် ခေဲင်ဇံင်းကီုင်းအိုမ်ငျံရ်မာ် ဇူႈပွံတ်ကျံရ်နိုႎဲမ်ဘာ ဆငည်း 4 ခိင်ညှာဇေဝ်းဒိူန် အိုမ်ဟည်ဟိုက်ဒေဲႈတောပ်ပ္လေါင်ဒါင်း လှူပ်ဟာဝ်းဖါ်ႈ ဂါင်ဂေါည်အီး ဂေါႇမိုႈအိုမ်နံင်ဆမာဟိုက်ဒေဲႈဘိုး စီပဲန်ကဲဟည်ခ္လါည်းဟာဝ်းဒိုႇ ဒီဂေါည်အောႏ။
ကဝ်အီကပ္လါႇဘေဲႇဆဒါင် – Lway N Tra
~ ~ ~
ဆဒါင်ဖုင်ယဲဆျှိည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
