လိုည်းထိုည်း၊ ကျံရ်နိုဝဲမ်ဘာ ဆငည်း 2၊ မိူင်မီတ်
ဘိူန်းအယ်နံပ်တောပ်ပ်ုန်က္လာင်း ရမာအ်ုန်ကဲဒါ; ကောန်အီမာည်းကာတ်ရာတ် အ်ုန်အီဂေါည်ပကီုင်းမိူင်မီတ် ကပီုန်ဆျှံမ်ကဒါ,ပိူည် လည်လေ;ဟာဝ်း ဒါ;နံင်ရေဲန်ဇီုင်းနီန်အူအီး ဟြာည်ကမာ်;ဟာဝ်းဖါ်; ဘြည် 2ဆန်ုမ်လေ; တောပ်ရမာအ်ုန်ကဲမာ် အာဝ်ဘိူန်းစိ ကတူည်,ကဝှအော်။
စိုင်းထက်နောင် ဘိူန်းအဆာက် 27ဆန်ုမ် အ်ုန်အီဂေါည်ပဇံင်လက်ခုတ်တန်း ကီုင်းမိူင်မီတ်နီန်အူအီး လည်လေ; ဒါ;နံင်ဟာဝ်းရေဲန်ဇီုင်း ကဒါ,ဗန်မော် ကပီုန်ခါင်အော်။
ကောန်အီပ်ုန်ခေဲင်ရမာကဲအူအီး က္လာင်းဒါ; “ဆိင်နံပ်လိူည်မို; အ်ုန်အီမ်း? အ်ုန်ယံမ်း?။ ဆာ်ဆီုင်ဒါ့်အီမ်းမာ် ဆိင်ဒဲ;အ်ုန် ကတူည်,ဝီရ်တယဲ။ ဂေါ,မို;ယဲနော;မှည်ကဆဝ်း”
ကောန်အီပ်ုန်ရကဝိုည်နီန်က္လာင်းဒါ; အီးဘိူည်ဒါ;ယိူဝ်းအ်ုန်ရေဲန်ဇီုင်း ပဗန်မော်မာ် ဂေါ,အာဝ်ဘိူန်းကဆီုပ်ကဘား ဆာ်မိူဝ်;အီယိူဝ်း မှာန်းပဲကတူည်,ဒေဲ;ကနံဝ်းဝှုင် 09-691 982 443 နီန်အော်။
ဘာည်းလိူည်ဒီန် ပကပီုန်ဆျှံမ်ကဒါ,ပိူည် အ်ုန်အီမို; ဒီဟာဝ်းဝီရ်ဂီုန်း ဖုင်ဘားလက်နာက် အီပဲန်ပ္လေါည်ကတီုက်ကပဲင်နီန် တောပ်ဘည်စြာင်းပ်ုန်ဘိူန်းအူန်း ဖုင်ယဲဆျှိုည်ဖီမျေ ခေဲင်ဆန်ုမ် 2025နီန် တိုအီးခေဲင်အရာပ်ကဲအီ ဟြာည်ကမာ်;ဟာဝ်း ဟည်မို; ကပံတ် 20အီးယာ့်အော်။
ကဝ်အီကပ္လါ,ဘေဲ,ဆဒါင် – Lway N Tra
~ ~ ~
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
