ပျားကြီး၊ ကျံရ်အံက်တိုဘာ ဆငည်း 31၊ မာန်းတလေး
တိုအီးခေဲင်အရာပ်ကဲ က္လာင်းတဆျှိုည်ဖီမျေဒါႈ ကားတာင်အိုမ်ပျြံင်ထာတ် 4ကြောင် အ်ုန်အီနံင်တာင်းတိုန်းဟိုက် ပကပီုန်ဆျှံမ်ကဒါႇပိူည် အ်ုန်အီမိုႈဒီ ပ်ုန်ပ္လဘည်တာင်တိုန်းအိုမ်ပျြံင်ထာတ်နီန် ကဆူမ်းဟာဝ်း ခည်ကျံရ်အံက်တိုဘာ ဆငည်း 29ဒိူန်အောႏ။
ခိင်ကမိုန်ကဲ ကနာည်နံင်ဘိူန်းခ္လေါႈ ဂေက်စေတ်မေန်း ပ 16မဲင်ႏနီန် ခိင်ဇံင်းရဲ့ကဲ ပရီမ်းယုင်ဆနံမ်ဒါင်းနောႈဖိူမ်၊ လှံင်ပုသိမ်ကြီးနီန် ဂေါႇမိုႈတာတ်ရဲင်ကဆဝ်း စီပဲန်ငံရ်ကဆူမ်းဟာဝ်းပွံတ် ကားကဲဒီန်အောႏ။
ကဝ်အီနံပ်ဘည်မိုႈဘည်ဘာည်းနီန်အူအီး က္လာင်းဒါႈ “ဘံန်ဟောည်ႇဟာဝ်းကမိုန် ပ 16မဲင်ႏ ငံရ်ဒီန်ဟည်ကဆူမ်းဟာဝ်း။ အူကြောင်ဇူႈပဒူႈဖါ်ႈရအာည်ႇ စီကဆူမ်းဟာဝ်းပွံတ် ကားကဲဟံရ်ဒီန်။ မိုႈဒိုႇကားဒါင်း ပည် 4ကြောင်”
ကဝ်အီဂေါည်ကဒံတ်တောပ် ဂေက်စေတ်မေန်း ကအူရ် ပ 16မဲင်ႏနီန်အူအီး က္လာင်းဒါႈ ဂေါႇမိုႈတံပ်ကညာအာဏာဆီုက်ဇေဝ်ကဲ မိူဝ်ႈလိူည်ထာန်ပ္လအူန်း အခွါင်းဘိူန်းတာင်တိုန်း အိုမ်ပျြံင်ထာတ် ဇူႈပွံတ်ကီုင်းနော်င်ခေဝ် မောကံပ်ရောတ် ပကပီုန်ဆျှံမ်ကဒါႇပိူည် စီပဲန်ကညာဇီုင်းကဲ ဘ်ုပ်ကမိုန်ဖါ်ႈ တောပ်ဂေက်စေတ်မေန်း အီဂေါည်ခြူမ် တံပ်ကညာအာဏာဆီုက်ဇေဝ်ကဲ စီတာင်တိုန်းအောႏ။
ဂေါႇငံရ်ကဆူမ်း ကားတာင်အိုမ်ပျြံင်ထာတ် ကဆူမ်းဟာဝ်းဖါ်ႈ 4ကြောင် စီပဲန်ဖုင်ဇီုင်းပျံတ်ငံရ် တိုအီးခေဲင်အရာပ် ကီုင်းမာန်းတလေးကဲ ဘ်ုပ်ပျံတ်မောကံပ်လှေင်ဘြည် 1နြီလေႈအောႏ။
ကဝ်အီကပ္လါႇဘေဲႇဆဒါင် – Lway N Tra
~ ~ ~
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
