မာည်းရူပ၊ ကျံရ်အံက်တိုဘာ ဆငည်း 28
ဘိူန်းအယ်တခေါရ်နံပ် ဂေါႇပ္လေဘျုင်ပ်ုန်ပျောႈကစံပ် တံပ်ကညာအာဏာဆီုက်ဇေဝ်ကဲ ခေဲင်အရာပ်ပ်ုန်ထိင်ခြဲအူန်း တံပ်ဆီုက်တအာင်း – TNLA ကဲ စီပဲန်ဘ်ုပ်ဘိဟာဝ်း ကျောင်ပနောဘေဲႇ ကဒါႇဂီုန်းအောႏ။
ဇူႈပွံတ်ကျံရ်အံက်တိုဘာ နှားအူဒိူန် ဘ်ုပ်ဘိဟာဝ်းကျောင်ပနောဘေဲႇ ကဒါႇဂီုန်း ခေဲင်လှံင်မာဝ်းႎံင်း၊ အိုမ်ငျံရ်၊ ရူကော၊ ကုင်ငှေါ၊ မိူင်းလိုင်၊ အိုမ်ယ်ုရ်၊ မိူင်မီတ်ကာည်း မိုဂူႈ ကဲအီဂေါည်ခေဲင်အရာပ် ပ်ုန်ထိင်ခြဲအူန်း TNLA ကဲနီန်အောႏ။ ြ
ယာဆြာလှံင်မာဝ်းႎံင်းအူအီး က္လာင်းဒါႈ “တံင်ဒါင်းအ်ုန်မိုႈ ယောယာန်ပ်ုရ်ဒီးကော်။ ကူန်မာကောန်ကျောင်ကဲမာ် အာဝ်ယစိဒဲႈကောန်ကဲဟိုက်ကျောင်။ ဘိူည်ႎိူဝ်ႈအူန်းကျောင်မာ် ကောန်ကျောင်အီဒေဲႈဟိုက်ကဲနီန်ဘြေ့”
ယိူဝ်းအယ်တိူရ်ႈ တံပ်ကညာအာဏာဆီုက်ဇေဝ်ကဲနီန် ကဲဂီုည်ဒါယာန်ပ်ုရ် ဒေဲႈပျောႈဟာဝ်းပ္လေဘျုင် ခေဲင်ကျောင်ပနောဘေဲႇ၊ ကျောင်စဝ်ကာည်း ဒီဂေါည်ဂီုန်းတိုအီးကဲ ခေဲင်အရာပ်ပ်ုန်ထိင်ခြဲအူန်း TNLA ကဲ ဇူႈပွံတ်ကျံရ်အံက်တိုဘာ ဆငည်း 1နီန် တောန်ဆငည်းအောႏ။
ခည်ကျံရ်အံက်တိုဘာ ဆငည်း 13ဒိူန်မာ် ကံပ်အာဝ်မိူဝ်ႈလိူည်ပ္လေါည်ကတီုက်ကပဴင် တံပ်ကညာအာဏာဆီုက်ဇေဝ်ကဲ ဟည်ဒါယာန်ပ်ုရ် ဒေဲႈပျောႈဟာဝ်းပ္လေဘျုင် ခေဲင်ကျောင်ပနောဘေဲႇ ရဝ်ကယားဒါင်း လှံင်အိုမ်ယ်ုရ်နီန်အောႏ။ ြ
တောပ်ဘည်စြာင်းပ်ုန်ဘိူန်းအူန်း ဖုင်ယဲဆျှိုည်ဖီမျေ ခေဲင်ကျံရ်အံက်တိုဘာနီန် ဂေါႇပ္လေဘျုင်ပ်ုန်ပျောႈ တံပ်ကညာအာဏာဆီုက်ဇေဝ်ကဲ တောပ်ပည်ကောန်ကညောမ် တိုအီးဟည်ယံမ်းဟာဝ်း 48အီးကာည်း တိုအီးဘာတ် ဂေါည်ပွံတ် 60အီးလေႈအောႏ။
ကော်င်ဆံရ်ဇီုင်းပိင်ငျာခြိူဝ်းတအာင်း – TLEC ကဲ ႎိူဝ်ႈအူန်းဖါ်ႈ ကျောင်ပနောဘေဲႇ ခေဲင်အရာပ်ပ်ုန်ထိင်ခြဲအူန်း တံပ်ဆီုက်တအာင်းကဲ ကနာည်ဆန်ုမ်ပနောဘေဲႇ 2025-2026 နီန် ကဲႎိူဝ်းအူန်းပွံတ် 600ကျောင်လေႈအောႏ။
ကဝ်အီကပ္လါႇဘေဲႇဆဒါင် – Lway N Tra
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
