မာည်းရူပ၊ ကျံရ်အံက်တိုဘာ ဆငည်း 23၊ ဆဘော
ဘိူန်းအယ်နံပ် ဘံန်ဘယ်တံပ်ကညာအာဏာဆီုက်ဇေဝ်ကဲတထိင်ခြဲ ကီုင်းဆဘောနီန် ကဲဟည်ဆီုပ်ထိုးဟာဝ်းဘိုး အရာပ်အ်ုန်အီဂေါည်တောပ်ဒေင် ဆဘော – အိုမ်ငျံရ်နီန် မို;ဘိုးကဲဟည်ရောတ် ပရဝ်မိုတေ အ်ုန်အီဂေါည်ခနား လှံင်အိုမ်ငျံရ် ငါည်း ဆဘောနီန်။
ဆီုက်ငါးတံပ်ကညာအာဏာဆီုက်ဇေဝ်ကဲ ဟည်ဘယ်ဒေထိင်ခြဲ တောပ်ပည် တံပ်ခလရ 23 နီန် တံပ်ခမရ 503 ကာည်း တံပ် 504 ဆဲ;ဒီန် ကဲဟည်ရောတ်ဘိုး ပရဝ်မိုးတေ ခည်ကျံရ်အံက်တိုဘာ ဆငည်း 21 ဒိူန်။
ကဝ်အီဂေါည်ခေဲင်ပ္လေါည်ကတီုက်ကပဲင်နီန်အူအီး က္လာင်းတဖုင်ဆျှိုည်ဖီမျေဒါ; ကဇေန်နီး တံပ်ကညာအာဏာဆီုက်ဇေဝ်ကဲ နှေရ်လိူည်နံင်ထိုးဟာဝ်းကဒါ, အိုမ်ငျံရ် ဂေါ,ဘည်ဒီန် ကဒါ,TNLA ကဲမာ်ရဲန်အူန်းကနာည်နံင်ခုခါမ်။
“ တံပ်ကညာအာဏာဆီုက်ဇေဝ်ကဲ ဟည်ဘိူန်းယာ့် ကဒါ,ကပုမိုးတေဒိူန်။ ကဒါ,နှာနီန်မို; TNLA ကဲဂေါည်။ အမှိူဝ် ဘံန်ဆံန်ဒိူန် ဆကဆကဲ စီရောတ်ပမိုးတေ”
ဆဲ;ဒီန် အ်ုန်ဆီုပ်ဒါ;ဘိုး ဂေါ,မို;ကပုမိုးတေ အ်ုန်အီကတူည်,ဒဲ; ကီုင်းဆဘောကာည်း လှံင်အိုမ်ငျံရ်နီန် ဟည်ကပံတ်ဇော; အာဝ်ငှိူည်စိ ကနာည်နံင်ထိုးဟာဝ်း ကဒါ,ငျံရ်။
တံပ်ကညာအာဏာဆီုက်ဇေဝ်ကဲ ကနာည်နံင်ဗီရ်ဘိူန်းကီုင်းဆဘောနီန် ကဲဇူ;ဒါကျံရ်အံက်တိုဘာ နှားအူဒိူန် ထိုးဟာဝ်းဖါ်; ဘံန်ရောတ်ကျံရ်အံက်တိုဘာ ဆငည်း 18 ဒိူန်ကဲစီဘယ်လာဒေထိင်ခြဲဟာဝ်း။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
