လွေးလာဝ်ဇာရ် ၊ အောက်တိုဘာ ၂၃ ရက်၊ မိုးမိတ်
တအာင်းတပ် PSLF/TNLA ထိန်းချုပ်ထားတဲ့ ရှမ်းမြောက် မိုးမိတ်မြို့ မြောက်ပိုင်းရပ်ကွက်ရှိ နမိတ်ချောင်းမှာ ကိုရင်တစ်ပါးက ရေသွားဆော့ကစားနေရာကနေ ပျောက်ဆုံးသွားခဲ့ပါတယ်။
ပြီးခဲ့တဲ့ အောက်တိုဘာ ၂၀ ရက် မနက် ၈ နာရီမှာ ဆုတောင်းပြည့်စေတီမှာ သန့်ရှင်းရေးလုပ်ပြီးနောက် ခဏအနားယူနေစဥ်မှာ ရေချောင်းဘက် ရေသွားဆော့ကစားခဲ့တယ်လို့ အမျိုးသားတစ်ဦးက ပြောပါတယ်။
ရေချောင်းထဲ ပျောက်ဆုံးသွားတဲ့ အဲဒီကိုရင်ကို TNLA ရဲတပ်ဖွဲ့နဲ့ သက်ဆိုင်ရာဌာနတွေဘက်က လိုက်လံရှာဖွေနေပေမယ့် အခုချိန်ထိ ရှာမတွေ့သေးသေးဘူးလို့ ဆိုပါတယ်။
“ပျောက်တာ ဒီနေ့ဆို သုံးရက်ရှိပြီ။ TNLA ဘက်လည်း ရှာနေတယ်။ အခုချိန်အထိ ရှာလို့ မတွေ့သေးဘူး” လို့ ၎င်းအမျိုးသားတစ်ဦးက ပြောပါတယ်။
ပျောက်ဆုံးနေတဲ့ ကိုရင်လေးသာ သက်တော် ၁၀ နှစ်အရွယ်ရှိတဲ့ ရှင်ပညာဗလ ဆိုသူဖြစ်တယ်လို့ သိရပါတယ်။
ပြီးခဲ့တဲ့ စက်တင်ဘာလ ၂၃ ရက်နေ့တုန်းကလည်း ရှမ်းမြောက် ကွတ်ခိုင်မြို့နယ် မန်ပိန်းကျေးရွာက အမျိုးသမီးတစ်ဦး ခြေချော်ပြီး နမ့်ခိုင်ချောင်းထဲမှာ ပြုတ်ကျသေဆုံးသွားခဲ့ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
