မိုင်းဖိူမ်းဆငဲ၊ အောက်တိုဘာ ၁၃ ရက်၊ နမ့်ဆန်
တအာင်းတပ် – PSLF/TNLA ထိန်းချုပ်ထားတဲ့ နမ့်ဆန်မြို့နယ် ကယားကြီးကျေးရွာကို စစ်ကောင်စီတပ်က လေကြောင်းကနေ ဗုံးကြဲတိုက်ခိုက်မှု ပြုလုပ်သွားခဲ့တယ်လို့ သိရပါတယ်။
မြေပြင်သတင်းရင်းမြစ်တစ်ဦးက “စာသင်ကျောင်းနား ၂လုံးကျတယ်။ ရပ်ကွက် ၄နဲ့၇မှာလည်း ကျသွားတယ်” လို့ ပြောပါတယ်။
ဒီနေ့ အောက်တိုဘာ ၁၃ ရက် နေ့လည် ၁ နာရီဝန်းကျင်မှာ စစ်ကောင်စီတပ်က ဂျက်ဖိုက်တာနဲ့ ဗုံးသီး ၆ လုံးကြဲချသွားခဲ့တာလို့ သူက ဆက်ပြောပါတယ်။
စာသင်ကျောင်းဖွင့်တဲ့ ကယားကြီးရွာထဲက စာသင်ကျောင်း၊ ဘုန်းကြီးကျောင်းတွေကို ကြဲချသွားခဲ့တာကြောင့် လူထိခိုက်မှု ရှိနိုင်တယ်လို့ ဆိုပေမယ့် အချက်အလက်ကို ရွှေဖီမြေက ဆက်လက်စုံစမ်းဆဲ ဖြစ်ပါတယ်။
ပြီးခဲ့တဲ့ အောက်တိုဘာ ၄ ရက်မှာလည်း နမ့်ဆန်မြို့နယ် ဇယ်တုန်ဟုန်းကျေးရွာက ဗုံးကြဲတိုက်ခိုက်မှုကြောင့် ကလေး ၂ ဦး ပွဲချင်းပြီး သေဆုံးသွားခဲ့ပြီး ၁၈ ဦး ထိခိုက်ဒဏ်ရာ ရရှိခဲ့ပါတယ်။
စစ်ကောင်စီတပ်ဟာ တအာင်းတပ်ထိန်းချုပ်ထားတဲ့ မြို့နဲ့ကျေးရွာတွေကို ဆက်တိုက်ဗုံးကြဲတိုက်ခိုက်လျက်ရှိနေဆဲ ဖြစ်ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှု နားဆင်နိုင်ပါတယ်။
