ချောင်းဦးက ငါးလုံးတင်ရွာမှာ စစ်ကောင်စီတပ် ပစ်လိုက်တဲ့ လက်နက်ကြီးကြောင့် အရပ်သား ၂ ဦး သေဆုံးခဲ့ပြီး ၁ ဦး ဒဏ်ရာရ

ရဲမာန်၊ အောက်တိုဘာ ၁၁ ရက်၊ ချောင်းဦး

စစ်ကိုင်းတိုင်း ချောင်းဦးမြို့နယ် ငါးလုံးတင်ရွာမှာ စစ်ကောင်စီတပ် ပစ်လိုက်တဲ့ လက်နက်ကြီး ကျရောက်ပေါက်ကွဲခဲ့လို့ အရပ်သား ၂ ဦး သေဆုံးခဲ့တယ်လို့ ဒေသခံအမျိုးသားတစ်ဦးက ရွှေဖီမြေကို ပြောပါတယ်။

မနေ့ အောက်တိုဘာ ၁၀ ရက် ည ၁၀နာရီဝန်းကျင်မှာ ချောင်းဦးမြို့ပေါ် ဘော်လုံးကွင်းကနေ ၁၂၀ မမ ၂ လုံး ပစ်ခတ်ခဲ့တာကြောင့် ၂ ဦးသေဆုံးခဲ့တာအပြင် ကလေးတစ်ဦးလည်း ဒဏ်ရာရရှိခဲ့တယ်လို့ ၎င်းက ဆိုပါတယ်။

“ပထမတစ်လုံးကတော့ ထိခိုက်မှုရှိသွားတယ်။ ဒုတိယအလုံးက ထိခိုက်မှုမရှိခဲ့ဘူး။ အမျိုးသမီးတစ်ဦးကတော့ နေရာမှာဘဲ ပွဲချင်းပြီး သေဆုံးသွားတယ်။ သူကတော့ စစ်လာရှောင်တာပါ။ နောက်တစ်ဦးက ငါလုံးတင်ရွာခံ မြေးအဖွား ၂ ယောက်ပေါ့။ ညတုန်းကတော့ အသက်အန္တရယ် စိုးရိမ်ရတဲ့အနေထားပါ။ ဆေးရုံတော့ ပို့လိုက်တယ်။ မနက် မိုးလင်းပိုင်းကျမှ ဆုံးသွားတယ်။ မြေးဖြစ်သူကတော့ ထိခိုက်ဒဏ်ရာဘဲ ရသွားတယ်”

သေဆုံးသွားသူ အမျိုးသမီး ၂ ဦးဟာ အသက် ၅၀ ကျော်ရှိပြီး မြေးဖြစ်သူကတော့ ၁၁ နှစ်အရွယ်ဖြစ်တယ်လို့ အထက်ပါအမျိုးသားက ဆက်ပြောပါတယ်။

ပြီးခဲ့တဲ့ အောက်တိုဘာလ ၆ ရက် သီတင်းကျွတ်လပြည့်ည ၈ နာရီဝန်းကျင်မှာ စစ်ကောင်စီတပ်က မုံရွာ-ချောင်းဦးအစပ်ကို စက်တပ်လေထီးနဲ့ ဗုံး ၂ လုံး ကြဲချတိုက်ခိုက်ခဲ့တာကြောင့် လူ ၂၀ ဦး သေဆုံးခဲ့ရပြီး ၄၀ ကျော် ထိခိုက်ဒဏ်ရာရရှိခဲ့ပါတယ်။

~ ~ ~

ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

Shwe Phee Myay YouTube

Shwe Phee Myay Telegram