သတင်းဓာတ်ပုံ
ရွှေဖီမြေ၊ ဇန်နဝါရီ ၁၀ ရက်
ချင်းပြည်နယ် ဟားခါးနဲ့ ထန်တလန်ကြား လမ်းမကြီးပေါ်ရှိ ရှေ့တန်း စစ်မျက်နှာပြင်က CDF ပူးပေါင်းတပ်တွေရဲ့ မြင်ကွင်းပုံရိပ်ကို ရွှေဖီမြေရဲ့ သတင်းသမားက အဲဒီဒေသအထိ ကွင်းဆင်းပြီး မှတ်တမ်း တင်နိုင်ခဲ့ပါတယ်။
စစ်တပ်ဟာ ထန်တလန်မြို့ လက်မလွှတ်ရေး ဟားခါးကနေ စစ်ကူတွေ ပို့နေပြီး အဲဒီ စစ်ကူကို CDF အဖွဲ့က လိုက်လံ ဖြတ်တောက်တိုက်ခိုက်နေတာ ဖြစ်ပါတယ်။
တိုက်ပွဲဟာ ၄ လနီးပါးအထိ ကြာမြင့်လာနေပြီး နှစ်ဖက် ထိခိုက်မှုလည်း ရှိနေပါတယ်။
လမ်းမပေါ်က တပ်စခန်းတွေကို နှစ်ဖက်တပ်က အပြန်အလှန် ထိုးစစ်ဆင် တိုက်ခိုက်လို့ မကြာခဏ တိုက်ပွဲ ဖြစ်ပွားနေပါတယ်။
ရာသီဥတုကလည်း အေးစက်နေပြီး လက်နက် လိုအပ်ချက် ရှိနေသေးတာကြောင့် တိုက်ပွဲဟာ လိုသလောက် ခရီးမပေါက်သေးပေမဲ့ ထန်တလန်ပြီးရင် ချင်းပြည်ရဲ့ မြို့တော်ဖြစ်တဲ့ ဟားခါးမြို့ကို ထိုးစစ်ဆင် တိုက်ခိုက်ဖို့ ပြင်ဆင်မှု ပြုလုပ်နေတယ်လို့ CDF ဘက်က ပြောပါတယ်။
