သတင်းဓာတ်ပုံ
မိုင်းရူပ၊ လွေးဇွန်မိုး၊ အောက်တိုဘာ ၂ ရက်၊ နမ္မတူ
စစ်ကောင်စီတပ်ရဲ့ လေကြောင်း တိုက်ခိုက်မှုကြောင့် တအာင်းတပ်မတော်- PSLF/TNLA ထိန်းချုပ်ထားတဲ့ နမ္မတူမြို့ပေါ်မှာ သေဆုံးသူ ၄ ဦးရဲ့ နာရေးမြင်ကွင်းတွေ ဖြစ်ပါတယ်။
ဒီနေ့မနက် အောက်တိုဘာ ၂ ရက် မနက် ၇ နာရီ ၁၅ မိနစ်မှာ စစ်တပ်က နမ္မတူမြို့ ရပ်ကွက်(၈)ရှိ လူနေ ထူထပ်တဲ့ ရပ်ကွက်ထဲ ဂျက်လေယာဉ်နဲ့ ဗုံးကြဲတိုက်ခိုက်ခဲ့တာပဲ ဖြစ်ပါတယ်။
သေဆုံးသူထဲ ကျောက်မဲမြို့နယ်ထဲက တိုက်ပွဲကြောင့် စစ်ရှောင်လာတဲ့ ဒေါ်မိုင်း၊ ဒေါ်အေးဟွမ်၊ ဦးအိုက်ရှင်နဲ့ နမ္မတူမြို့ခံ မားအောင်မြတ်တို့ ပါဝင်ပါတယ်။
ဒဏ်ရာရသူတွေထဲမှာ ကလေးတစ်ဦး၊ အမျိုးသား ၃ ဦးနဲ့ အမျိုးသမီး ၂ ဦး ပါဝင်ပါတယ်။
စစ်တပ် ဗုံးကြဲတိုက်ခိုက်ခဲ့တဲ့နေရာဟာ ဌာနဆိုင်ရာရုံး မရှိသလို အရပ်သားတွေ စုပေါင်း နေထိုင်တဲ့နေရာသာ ဖြစ်ပါတယ်။
ဒီတိုက်ခိုက်မှုဟာ နမ္မတူမြို့ကို တအာင်းတပ်မတော် ထိန်းချုပ်ပြီးနောက် စစ်တပ်က ပထမဆုံးအကြိမ် ဗုံးကြဲတိုက်ခိုက်ခဲ့တာပဲ ဖြစ်ပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
