သတင်းဓာတ်ပုံ
မိုင်းပန်ပျော်၊ ဇန်နဝါရီ ၁၀ ရက်၊ နမ္မတူ
တအာင်းတပ်မတော်- PSLF/TNLA ထိန်းချုပ်ထားတဲ့ ရှမ်းမြောက် နမ္မတူမြို့နယ်ထဲက စာသင်ကျောင်းတစ်ခုမှာ တအာင်းပြည် ပညာရေးကောင်စီ- TLEC ဖွင့်လှစ်ထားတဲ့ ကျောင်းမှာ စုံညီပွဲတော်ကို ဒီနေ့ ဇန်နဝါရီ ၁၀ ရက် မနက် ၉ နာရီကနေ ညနေ ၄ နာရီအထိ ကျင်းပခဲ့ပါတယ်။
စုံညီပွဲတော် အခမ်းအနားသို့ TLEC ရဲ့ တွဲဖက်ဒါရိုက်တာ၊ နမ္မတူမြို့နယ် ပညာရေးမှူး၊ ကျောင်းဆရာဆရာမအပြင် ရပ်မိရပ်ဖနဲ့ ကျောင်းသားမိဘ စုစုပေါင်း လူဦးရေ ၈၀၀ နီးပါး တက်ရောက်ခဲ့ကြပါတယ်။
၂၀၂၄-၂၀၂၅ ပညာသင်နှစ်မှာ TLEC ဟာ နမ့်ခမ်း၊ ကွတ်ခိုင်၊ နမ္မတူ၊ မန်တုံ၊ နမ့်ဆန်၊ မိုင်းငေါ့၊ မိုင်းလုံ၊ မိုးမိတ်၊ မိုးကုတ်မြို့နယ်မှာ ကျောင်းပေါင်း ၆၀၀ ကျော် ဖွင့်လှစ်နိုင်ခဲ့ပါတယ်။
အခုလို တိုးတက်မှု ရလာတာဟာ TLEC ရဲ့ ဦးဆောင်မှုကြောင့်သာမဟုတ်ဘဲ ကျောင်းသားမိဘတွေ ဝိုင်းဝန်းကူညီပေးလို့ အခုလို အောင်မြင်မှု ရလာတာလို့ TLEC ရဲ့ တွဲဖက်ဒါရိုက်တာက အခမ်းအနားမှာ ပြောကြားခဲ့ပါတယ်။
မနက်ပိုင်းမှာတော့ စုံညီပွဲတော်သို့ တက်ရောက်ကြတဲ့ ကျေးရွာတာဝန်ရှိသူနဲ့ ကျောင်းဆရာဆရာမတွေ အမှတ်တရစကား ပြောကြားခဲ့ပြီး နေ့လယ်ပိုင်းမှာတော့ ကျောင်းသူ ကျောင်းသားဟာ ရိုးရာအကနဲ့ ဖျော်ဖြေခဲ့ကြပါတယ်။
