ပို;လဘာ၊ ကျံရ်ဆဲပ်တဲမ်ဘာ ဆငည်း 23၊ အေဲမ်ကိုက်
ဖုင်ယဲဆျှိုည်ဖီမျေ တခေါရ်နံပ် ဒီဘိူန်းတံပ်ဆီုက်တအာင်း PSLF/TNLA ကဲတထိင်ခြဲ ပကီုင်းအေဲမ်ကိုက်နီန် ကဲဘိဖါ်ႈ KTV နီန်အူနှား တံပ်ကိုကာင် MNDAA ကဲစီ ရဲ့ဒဲႈဖါ်ႈ လံပ်ကတ်ုမ်နီန်ကဲ ႎီရ်ႎိူဝ်ႈ KTV ဒီန်အောႏ။
တိုအီးအရာပ်ဒီန် ကောန်အီမာည်းအူအီး က္လာင်းဒါႈ ဘံန်ပ္လူႈတံပ်ဆီုက်တအာင်းကဲတဆဒိ ကနာည်နံင်ဘိ KTV နီန် တိုအီးပေန်ခ္လဒိူန်မာ် ဘိဟာဝ်းဖါ်ႈ KTV ကဲအူနှား စီႎီရ်ႎိူဝ်ႈဟာဝ်းဘိုးအောႏ။
“ မိုႈအေ့ ကဲဟည်ဘိ။ မိုႈလိူည်ကဲဘိအူန်းလိူည်အူနှား ကဇေန်နီး ကဲဟည်ႎီရ်ႎိူဝ်ႈ။ 8888 ကာည်း ဆဴင်ရင်ချန်နီန် အာဝ်ဘိစိ။ တံပ်ကိုကာင်ကဲမိုႈ အီရဲ့ဒဲႈ လံပ်ကတ်ုမ်ကဲ။ ဆာ်မိုႈ ကောန်တဘိုတ်တအာင်း ကဲအာဝ်ဒဲႈစိကဲလီပ်။ ဂေါႇဆေဘာည်းမိုႈ ကဒါႇအယ်မိုႈအီဘိ ဆာ်ကဲလီပ် ဆဒါင်နံင်ဒါင်း။ ဂေါႇဘည်ဒီန်ကဲစီ အာဝ်ဒဲႈကဲလီပ်”
ဇူႈပွံတ်ကျံရ်ဆဲပ်တီမ်ဘာ ဆငည်း 3ဒိူန် TNLA ကဲ ပ္လူႈဖါ်ႈဆဒိ ပ္လိူရ်ႈကနာည်နှာင်းဘိအူန်း ဆဴင် KTV ကဲနီန် ဇိုချီုင်ပ္လူႈအူန်းတဆဒိ ဆာ်မိူဝ်ႈအီလူည်ႇခေါပ်ပြာႇ ႎိူဝ်ႈဟာဝ်းဆဴင် ကဲဒါႈ ကဲနံင်တိူဝ်ႈလာည်းအရေး ဒါင်းဒါင်းယာ့်အောႏ။
ဆဲႈဒီန် ပကီုင်းမိုဂူႈမာ် ဘံန်ပ္လူႈ ဖုင်ပလိက်တအာင်းကဲတ ဆဒိအနာည်နံင်ဘိဟာဝ်း ဆဴင် KTV ကာည်း ႎှါင်းမာဆဲတ်ကဲနီန် ကဲစီဇူႈဒေဘိဟာဝ်း ဆဴင်KTV ပါ်ဒိုႇဒိုည်ႇ ခည်ကျံရ်ဆဲပ်တဲမ်ဘာ ဆငည်း 13 ဒိူန်အောႏ။
တိုအီးအရာပ်ကဲ က္လာင်းဒါႈ ပရာပ်ထိင်ခြဲတံပ်ဆီုက်တအာင်းကဲ အ်ုန်အီမိုႈ လှံင်ဒီရ်ဟံရ် ပမာဝ်းဝံင်း၊ အိုမ်ငျံရ်၊ ကာည်း အေဲမ်ခြီရ်နီန်မာ် ကဲဟည်ဘိဒိုည်ႇဆဴင် KTV ကဲနီန်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
