ရဲမာန်၊ စက်တင်ဘာ ၁၇ ရက်၊ ကလေး
စစ်ကောင်စီတပ်ရဲ့ အဓမ္မစုဆောင်းခံရတဲ့တပ်သားသစ် ၁၄ ဦးမှ လက်နက် ၇ လက်နဲ့အတူအလင်း၀င်ရောက်ခဲ့တယ်လို့ စစ်ကိုင်းတိုင်း ကလေးခရိုင် ပြည်သူ့ကာကွယ်ရေး ဒရုန်းတပ်ဖွဲ့ – wings of kalay မှ ဒီနေ့ စက်တင်ဘာ ၁၇ ရက်မှာထုတ်ပြန်ထားပါတယ်။
ပြီးခဲ့တဲ့ ဇူလိုင်နဲ့ ဩဂုတ် ၂ လအတွင်းမှာ ၇ ဦးတစ်ဖွဲ့ဆီနဲ့ ၂ကြိမ်ဝင်ရောက်လာခဲ့တာဖြစ်တယ်လို့ wing of kalay - ဒရုန်းတာဝန်ခံ ကိုကုလားမှ ရွှေဖီမြေကိုပြောပါတယ်။
“လက်နက်ခဲယမ်းမပါဘဲ ပထမတစ်သုတ် ၇ ဦးထွက်ပြေးခဲ့တာရှိတယ်။ ကျနော်တို့နဲ့ အချိတ်အဆက်တော့မရှိဘူး။ လမ်းမှတွေ့ရှိပြီး ခေါ်ယူစစ်ဆေးပြီးမှ ထိန်းသိန်းထားလိုက်တာ။ ပထမတစ်သုတ်နဲ့ ဒုတိယတစ်သုတ်က တူတူဘဲ။ သူတို့ တစ်ပတ်စဉ်ဘဲ။ ပေါတာဆွဲခံရတာလည်း အတူတူဘဲဖြစ်တယ်”လို့ ၎င်းက ဆိုပါတယ်။
အလင်းဝင်ရောက်လာတာတဲ့ ၁၄ ထဲမှ ၇ဦးဟာ MA-3 အမျိုးအစားလက်နက်ငယ် ( ၅) လက်၊ MA-1 အမျိုးအစား လက်နက်ငယ် ( ၂ ) လက်၊ လက်ပစ်ဗုံးသီး ၉ လုံး၊ ၆၀ မမ လက်နက်ကြီးကျည် (၄) ဖူး၊ အီနာဂါ (၃) လုံး၊ ကျည်ဘောက် (၁၅) ဘောက်၊ ၅.၅၆ ကျည် (၁၂၀၀) တောင့်တုနဲ့အတူ အလင်းဝင်ရောက်ခဲ့တာလို့ ဖော်ပြထားပါတယ်။
အလင်းဝင်ရောက်လာတဲ့ ၁၄ ဦးကို wings of kalay တပ်ဖွဲ့မှ တစ်ဦးကို ကျပ်သိန်း ၃၀ ဆီ ချီးမြှင့်ပေးခဲ့ပြီး ၎င်းတို့ကလည်း မိမိတို့တော်လှန်ရေးတပ်ဖွဲ့တွေနဲ့အတူ စစ်ကောင်စီတပ်ကို ပြန်လည်တိုက်ခိုက်သွားမှာဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
