ဆျှိုည်ဖီမျေ၊ ကျံရ်ဆဲပ်တဲမ်ဘာ ဆငည်း 15၊ တေင်နီ
ဆဒါင်ဘိူည်လေႈဒါႈ မိုႈတတံပ်ကညာအာဏာဇေဝ်ကဲ နံင်ႎီရ်ထိင်ခြဲ ကီုင်းတေင်နီ အ်ုန်အီမိုႈ ဒီပ်ုန်ထိင်ခြဲ တံပ်ကိုကာင် MNDAA နီန်မာ် အ်ုန်အာဝ်တောပ်စိ ခေဲင်ကီုင်း ပ်ုန်နံင်ရေဲန်ကဲတ ပ္လေါည်ရံရ်ႈက်ုန်ရံရ်နီန်အောႏ။
တံပ်ကညာအာဏာဆီုက်ဇေဝ်ကဲ ပ္လိူရ်ႈလေႈအမှိူဝ် ကျံရ်ဆဲမ်တဲမ်ဘာ ဆငည်း 14 ဒိူန်ဒါႈ ကဲအာဝ်ရေဲန်စိ ပ္လေါည်ရံရ်ႈက်ုန်ရံရ် ခေဲင်လှံင် 56 လှံင် လှေအ်ုန်အီမိုႈ ပ်ုန်အာဝ်ဘိူန်းကဲတ ထိင်ခြဲနီန်အောႏ။
ခေဲင်ကပီုန်ဆျှံမ် ကဒါႇပိူည်နီန် အ်ုန်တောပ် 17 လှံင် ခေဲင်ဒီန် လှံင် 4 လှံင် အ်ုန်ဂေါည်ခြူမ်ပ်ုန်ထိင်ခြဲ MNDAA ကဲ အ်ုန်တောပ် လှံင်ကုန်းကြမ်း၊ လောက်ကိုက်၊ ကွမ်းလုံ ကာည်း လှံင်တေင်နီနီန်အောႏ။
ဆဒါင်လေႈဒေဲႈဒါႈ အီရံပ်ဇီုင်းကပ္လိူင် တတီုင်ဌာန တံပ်ကညာအာဏာဆီုက်ဇေဝ်ကဲ အ်ုန်အီမိုႈ တီုင်ဌာနစေတ်မေန်းတိုအီးနီန် နံင်လီပ်ဒေဲႈ ခေဲင်ကီုင်းတေင်နီနီန် ဘံန်ကျံရ်ဆဲပ်တီမ်ဘာ ဆငည်း 19 အောႏ။
ဘိူည်ဘာည်းဒီန်မာ် တံပ်ကညာအာဏာဆီုက်ဇေဝ်ကဲ ဂီုည်ပ္လိူရ်ႈလေႈဒါႈ ကဲအာဝ်ရေဲန်စိ ပ္လေါည်ရံရ်ႈက်ုန်ရံရ် ခေဲင်လှံင်ပ်ုန်အာဝ်ဘိူန်းကဲတ ထိင်ခြဲနီန် ခေဲင်ကဲဒီန် အ်ုန်တောပ်လှံင်တေင်နီန်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
