ပိုႈလဘား၊ ကျံရ်ဆဲပ်တီမ်ဘာ ဆငည်း 2၊ ကျင်စန်းကျော့
ပဲန်ဒေဲႈဖါ်ႈ အမှုယာန်ကဒူႈ ကဒါႇဂေက်ကအူရ်ကျင်စန်းကျော့ လှံင်မူစယ် 105မဲင်ႏ အ်ုန်အီမိုႈဒီပ်ုန်ထိင်ခြဲအူန်း ဖုင်ဘဝ်ကီုက်ဒါင်း 3ဖုင်ကဲ ကောန်အီမာည်းအူအီး ဟည်ယံမ်းဟာဝ်းအောႏ။
ဆဲင်ကယ်ကာည်း ကား ကဒူႈဖါ်ႈ ပကကာႈဒေင်ကျောက်တိုင် အ်ုန်အီဂေါည်ပကျင်စန်းကျော့ ခည်ကျံရ်ဆဲပ်တီမ်ဘာ ဆငည်း 1 စူန်မှိူဝ် 5နြီဒိူန် ကိုနိုင်ဉီး ဘိူန်းအဆာက် 37ဆန်ုမ် အ်ုန်အီကောႈဒေဲႈဆဲင်ကယ်ဒီန် ယံမ်းဟာဝ်းအောႏ။
ကဲဒါႈ “နံင်မိုႈဆဲင်ကယ်ကလူည်ႇ။ နံင်မိုႈကညာကားကလူည်ႇမာ် အာဝ်နံပ်။ ယဲမာ် အာဝ်နံပ်စိ။ အ်ုန်ယံမ်းဟာဝ်းလိူည်ပဒီဒီန်။ အ်ုန်ႎဲႈဖါ်ႈဖေးနာန်း ဒေဲႈဂေါည်ရေဲန်ဇီုင်းကဒါႇနီန်။ ပီးအ်ုန်ရေဲန် ယာဆြာပနောဘေဲႇ”
ကိုနိုင်ဉီး ကဝ်အီယံမ်းဟာဝ်းနီန် အ်ုန်ဂေါည်ဖါ်ႈ ပကီုင်းဗန်းမော် ကပီုန်ခါင် ကဲဒါႈမိုႈ အ်ုန်ဒဝ်ႎဲႈဒေဲႈဂေါည် ကဒါႇ 105မဲင်ႏနီန် ခေဲင်ပ္လေါည်ကတီုက်ကပဴင်ဒီန်အောႏ။
ဘိူန်းအယ်နံပ်တကောန်အီမာည်း အူအီး က္လာင်းဒါႈ ကဆီုဝ်ပဲန်ဟာဝ်း အမှုဒီန်မိုႈ ဖုင်လံပ်ငိူပ်မေန်း ပါရမီ အီဂေါည်ပ မိူင်းယု 105ကဲနီန် အီဟာဝ်းကဇောည်ဒဲႈအောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
