မိုင်းရူပ၊ သြဂုတ် ၂၄ ရက်
စစ်ကောင်စီထိန်းချုပ်ထားတဲ့ နောင်ချိုမြို့နဲ့ တအာင်းတပ်မတော်-PSLF/TNLA ထိန်းချုပ်ထားတဲ့ ကျောက်မဲမြို့နယ်ဘက်ကို ဆက်သွယ်ထားတဲ့ နာမည်ကျော် ဂုတ်ထိပ်တံတား ကျိုးကျပျက်စီးသွားခဲ့တယ်လို့ ရွှေဖီမြေက စုံစမ်းသိရှိရပါတယ်။
“ဂုတ်တွင်းတံတား ကျိုးကျသွားတာ ဟုတ်တယ်။တံတားက လုံးဝပျက်သွားတာတော့ မဟုတ်ဘူး။ တံတားရဲ့ အစဘက်က ကျိုးသွားတာပေါ့” လို့ မြေပြင်အခြအနေသိရှသူတစ်ဦးကို ရွှေဖီမြေကို ပြောပါတယ်။
တံတားဟာ TNLAတပ်ရဲ့ မိုင်းခွဲဖျက်စီးခံခြင်းကိုခံခဲ့ရတယ်လို့ စစ်တပ်လော်ဘီတွေက တပ်ြိုင်နက် ဝိုင်းဝန်းဝါဒဖြန်ခဲ့ပေမယ့် ဘယ်လိုကြောင်း ပျက်စီးသွားခဲ့တယ်ဆိုတာကို ရွှေဖီမြေအနေနဲ့ အတည်မပြုနိုင်သေးပါဘူး။
တအာင်းတပ်ဘက်ကတော့ ဂုတ်ထိပ်တံတား ကျိုးကျတာနဲ့ ပတ်သက်တဲ့ တစုံတရာ တုန့်ပြန်ထားတာ မရှိသေးပါဘူး။
စစ်ကောင်စီတပ်ဟာ ဂုတ်တွင်းချောင်းကို ဖြတ်ပြီး ရှမ်းတပ်မတော်- SSPP ထိန်းချုပ်ထားတဲ့ ကျောက်မဲမြို့နယ် ထန်းတပင်ကျေးရွာလမ်းကြောင်းကနေ TNLA ထိန်း ချုပ်ထားတဲ့ ကျောက်မဲမြို့ဘက်ကို ထိုးစစ်ဆင်တိုက်ခိုက်နေတာ ဖြစ်ပါတယ်။
လက်ရှိမှာ စစ်တပ်စစ်ကြောင်းက နောင်ပိန်ရွာထဲအထိ ထိုးဖောက်ဝင်ရောက်လာပြီး နောင်ပိန်ရွာထဲမှာ TNLA နဲ့ စစ်ကောင်စီတပ်အကြား တိုက်ပွဲပြင်းထန်နေဆဲ ဖြစ်ပါတယ်။
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
