ရွှေဖီမြေ၊ ဇူလိုင် ၁၀ ရက်၊ မူးမြို့
ကရင်အမျိုးသားအစည်းအရုံး KNU ထိန်းချုပ်ထားတဲ့ ခလယ်လွီထူခရိုင် မူးမြို့နယ်မှာ စစ်ကောင်စီတပ် ထောင်ထားတဲ့ မြေမြှုပ်မိုင်းကို အရပ်သား ၂ ဦးက နင်းမိခဲ့ပြီး သေဆုံးသွားခဲ့တယ်လို့ KNU က မနေ့ ဇူလိုင်လ ၉ ရက်မှာ ထုန်ပြန်ထားပါတယ်။
ပြီးခဲ့တဲ့ ဇူလိုင်လ ၆ ရက်မှာ မူးမြို့နယ် နိုကလော်ကျေးရွာက ဒေသခံ ၂ ဦးဟာ ကျေးရွာကနေ ပြန်လာတဲ့အချိန်မှာပဲ မြေမြှုပ်မိုင်း နင်းမိခဲ့တာ ဖြစ်ပါတယ်။
အဆိုပါ ပေါက်ကွဲမှုကြောင့် အသက် ၁၈ နှစ်အရွယ်ရှိတဲ့ စောစေးအေးက အခင်းဖြစ်ပွားရာတဲ့ နေရာမှာ ပွဲချင်းသေဆုံးခဲ့ပြီး အသက် ၂၇ နှစ်အရွယ်ရှိတဲ့ စောထိဆဲကတော့ ဆေးရုံသို့ ပို့ဆောင်နေချိန် သေဆုံးခဲ့တာ ဖြစ်ပါတယ်။
စစ်ကောင်စီတပ် ထောင်ထားတဲ့ မြေမြှုပ်မိုင်းမိုင်းတွေဟာ စစ်ရေးလှုပ်ရှားမှုမရှိတဲ့ အရပ်သားတွေ နေ့စဉ် သွားလာလှုပ်ရှားမှု တွေကို ဆက်လက်ခြိမ်းခြောက်မှုရှိပြီး ဒေသခံတွေရဲ့ လုံခြုံရေးကို ဆိုးရွားစွာ ထိခိုက်စေခဲ့တယ်လို့ KNUရဲ့ ထုတ်ပြန်ချက်မှာ ဖော်ပြထားပါတယ်။
ဒါ့အပြင် ပြီးခဲ့တဲ့ ဇူလိုင်လ ၇ ရက်ကလည်း ကစယ်ဒိုမြို့နယ်အတွင်း ဝင်းဝကျေးရွာမှာ တပ်စွဲထားတဲ့ စစ်ကောင်စီတပ်ဟာ ကမြိုင်ကျေးရွာအတွင်းကို လက်နက်ကြီး ပစ်ခတ်ခဲ့တာကြောင့် သံဃာတော်တစ်ပါး ထိခိုက်ဒဏ်ရာရရှိခဲ့ပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
