ပို့လဘား၊ ဇူလိုင်လ ၃ ရက်၊ ရှမ်းတောင်
အွန်လိုင်းလောင်းကစားဖြစ်တဲ့ စလော့ဂိမ်းကြောင့် ရှမ်းတောင် ညောင်ရွှေမြို့က အသက် ၂၈ နှစ်အရွယ်ရှိတဲ့ ကားသမားတစ်ဦး ကိုယ့်ကိုယ်အဆုံး-စီရင် ခဲ့တယ်လို့ ဖြစ်စဉ်သိရှိသူ အမျိုးသားတစ်ဦး ပြောပြချက်အရ သိရပါတယ်။
ဒီနေ့ ဇူလိုင်လ ၃ ရက် မနက်ပိုင်းက အောင်ပန်း – ကလော ကားလမ်းမပေါ်မှာ ၁၂ ဘီးကားမောင်းနှင်လာတဲ့ ယာဥ်မောင်းတစ်ဦးရဲ့ သေဆုံးနေတဲ့ ရုပ်အလောင်းကို တွေ့ရှိခဲ့ပြီး လူမှုကူညီရေးအသင်းအဖွဲ့က သွားရောက်ကူညီပေးခဲ့တာ ဖြစ်တယ်လို့ ဆိုပါတယ်။
“ရန်ကုန်ကနေ တက်လာတယ်ထင်တယ်။ ဒီမနက် သူတို့ ကလောဘက် တိုးဂိတ်နားမှာ ရောက်တော့ သူတို့နားနေကြတာ။ သူ့ရဲ့ ကားစပယ်ယာ ပြောပြချက်အရတော့ သူကတော့ အိပ်ချင်တယ်ဆိုပြီး သွားအိပ်လိုက်တယ်။ စပယ်ယာ ခဏအိပ်ပျော်နေတဲ့အချိန်မှာ ဒရိုင်ဘာက သူ့ကိုယ်သူ သေ-ကြောင်းကြံသွားတာ။ ပြောတာကတော့ သူစလော့ဂိမ်း ဆော့နေတာ။ သူတို့တင်လာတဲ့ ကုန်ဖိုးပစ္စည်းတွေ အကုန်ထုတ်လာပြီးတော့မှ အုန်နာဆီအပ်ရမယ့်ပိုက်ဆံတွေ သူအကုန် ကစားလိုက်တာ။ သူအကြွေးတင်သွားက သိန်း ၁၅၀ ပတ်ချာလည်ဝန်းကျင်ပဲ။ အဲကြောင့် သူ့ကိုယ်သူ လုပ်ကြံသွားတာ ထင်တာပဲ။
၎င်းအမျိုးသားရဲ့ ရုပ်အလောင်းကိုတော့ အောင်ပန်း နာရေးလူမှုကူညီရေးအသင်းက ကလောမြို့ရှိ ပြည်သူ့ဆေးရုံရင်ခွဲရုံသို့ ကူညီသယ်ဆောင်ပေးခဲ့တာ ဖြစ်ပါတယ်။
မြန်မာနိုင်ငံမှာ စလော့ဂိမ်းကြောင့် အကြွေးနွံနစ်ပြီး ကိုယ့်ကိုကိုယ် အဆုံးစီရင်တာ၊ လူသတ်မှု၊ ငွေကြေးလိမ်လည်မှုတွေ မကြာခဏ ဖြစ်ပွားနေသလို အိမ်ထောင်ရေး ပျက်စီးတာတွေလည်း ဆက်တိုက်ရှိနေပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
