ပို;လဘား၊ ဇူန်လည် ဆငည်း 26၊ မူစယ်
တိုအီးအရာပ်ကီုင်းမူစယ် ကောန်အီပ်ုန် အူအီးက္လာင်းတဖုင်ဆျှိုည်ဖီမျေဒါႈ ဒီဘိူန်းတံပ်ကညာအာဏာဆီုက်ဇေဝ်ကဲတထိင်ခြဲ ပကီုင်းမူစယ် ကပီုန်ဆျှံမ် ကဒါႇပိူည်နီန် ကောန်အီပ်ုန်အူအီး ကတူႈဖါ်ႈအီစိုန်အ်ုန် စီကိုႈဟာဝ်းဘိုးအ်ုန် ဂေါႇဘည်ဒီန် စီယံမ်းဟာဝ်းအောႏ။
အဒိူဝ် ကျံရ်ဇူန်လည် ဆငည်း 26 ခီညှာ ကပံတ် 9 နြီဒိူန် ကောန်အီပ်ုန်ဒီန် အ်ုန်ကတူႈစိုန်ကဲဖါႇဖါ်ႈ ကပျာဝ်းရိူန်းအ်ုန် စီကိုႈဟာဝ်းဘိုးအ်ုန် ရီမ်းပြောဖြားတောင်ပေါ် ပကီုင်းမူစယ်အောႏ။
တိုအီးကီုင်းမူစယ် ကောန်အီပ်ုန်အူအီး က္လာင်းဒါႈ “ အ်ုန်ကတူႈအီကိုႈအ်ုန် ကံပ်အာဝ်ဘြေ့။ ကဲအာဝ်ဘိူန်းစီတိုည်း ကဝ်အီဖါ်ႇဒီန်။ ဒီန်ပဲန်ဟာဝ်းဒီန် အ်ုန်ကံပ်မိုႈလိူည် ဒီဂေါည် တံပ်ကညာအာဏာဆီုက်ဇေဝ်ကဲမာ် ကဲကံပ်အာဝ်ဘိူန်းတိုည်း”
ကဲဒါႈကောန်အီပ်ုန် ကဝ်အီယံမ်းဟာဝ်းဒီန် ဘိူန်းအဆာက် 40 ဆန်ုမ် မေန်အ်ုန်မိုႈကဝ်အီကဲပ်ရိူန်းလှူ ပဖြားတောင်ပေါ်ဒီန်အော။
တိုအီးအရာပ်ကဲ က္လာင်းဒါႈ အမှိူဝ် ကျံရ်ဇူန်လည် ဆငည်း 25 ခီညှာဇေဝ်းဒိူန်မာ် ပမူစယ် ကဒါႇဇံင်ကောင်းမှုလွယ်နီန် ကောန်အီမာည်း အီဘဒေဲႈကား 3 အီးကဲ ရံပ်တိုည်းဟာဝ်းကောန်အီပ်ုန် အီဘဒေဲႈဆဲင်ကယ်အူအီးအောႏ။
ဒီဘိူန်းတံပ်ကညာအာဏာဆီုက်ဇေဝ်ကဲတထိင်ခြဲ ပကီုင်းမူစယ်နီန် အမှုစိုန်၊ အမှုဘြား၊ အမှုကဖါ၊ အမှုပျံမ်း ကဲဂဲနီန် အ်ုန်ဘိူည်ပဲန်ဟာဝ်းတောန်ဆငည်းမာ် ကဒါကဲအာဝ်မိူဝ်ႈစိ ဘာည်းဘယ်ကဲတတိူဝ်ႈဟာဝ်းအရေးအော။
ခည်ကျံရ်ဇူန်လည် ဆငည်း 24 ဒိူန်မာ် ပမူစယ် ခေဲင်ဇံင်ဟူမွန် ရအာည်ဆဴင်ကဖေးပီတိနီန် ကောန်အီမာည်း အာရ်အီး ကာည်း ကောန်အီပ်ုန် အာရ်အီးကဲပဲန်လည်ပဴင်ခနားကဲ ကောန်အီပ်ုန် အာရ်အီးယံမ်းဟာဝ်းအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
