ပိုႈလဘား၊ ကျံရ်အောဂ်ုတ် ဆငည်း 12၊ မာဝ်းႎံင်း
ကဝ်အီနံပ်ဘည်မိုႈဘည်ဘာည်းနီန်အူအီး က္လာင်းတဆျှိုည်ဖီမျေဒါႈ ကောန်အီမာည်း ဘိူန်းအဆာက် 32ဆန်ုမ်နီန်အူအီး ပျံမ်းဖါ်ႈကောန်အီပ်ုန်ဒဲႇ ဘိူန်းအဆာက် 5ဆန်ုမ်နီန် ႎီုန်အူန်းတိုပိုင်းခန္ဓာယံမ်းအ်ုန် ခေဲင်ဘြည် ပကီုင်းမာဝ်းႎံင်း အ်ုန်အီမိုႈ ဒီပ်ုန်ထိင်ခြဲအူန်း တံပ်ဆီုက်တအာင်း – PSLF/TNLA ကဲအောႏ။
ကဲဒါႈမိုႈ ပကီုင်းမာဝ်းႎံင်း ဇံင် 8 ဇံင်အင်းကြင်းတောင်နီန် ကောန်အီမာည်းဒီန် ဒါႈနံင်ဇိူရ်ႈဒဲႈကောန်ကညောမ်ဒီန် ဟောမ်ကဘာႇ စီတောႇဟာဝ်းအ်ုန် ခည်ကျံရ်အောဂ်ုတ် ဆငည်း 10ဒိူန်အောႏ။
“အ်ုန်တောႇဟာဝ်း ကောန်ကညောမ်ဒီန် ဒါႈနံင်ဇိူရ်ႈဒဲႈ အ်ုန်ဟောမ်ကဘာႇ။ ခိင်တောႇဟာဝ်းအ်ုန်ဒီန် ကူန်မာကောန်ကညောမ်ဒီန် ဒါႈတအ်ုန်။ ဆာ်မည်းတောႇဟာဝ်းအ်ုန် မည်းနံင်ဘ်ုပ် ႎီရ်တိုန်းအ်ုန်အေ့။ ကောန်အီမာည်းဒီန်မာ် ဒါႈ မိုႈယာ့် အောလႎီရ်တိုန်း။ ဟောည်ႇဒီန် ကောန်အီမာည်းအူအီး စီယာမ်းဖါ်ႈ ဒေဲႈက္လာင်းပလူမ်ပလိက်။ ဘံန်ဟာဝ်းတိူရ်ႈ ပလိက်ကဲကာည်း ဖုင်ပရဟိတကဲ ပဒီပဲန်အမှုဒီန် စီယိူဝ်းလာ် တိုပိုင်းခန္ဓာယံမ်း ကောန်ကညောမ်ဒီန်အောႏ။
ဆာ်မိုႈကောန်အီမာည်း ကဝ်အီလူည်ႇဒီန် ဖုင်ပလိက် TNLA ကဲ ဟည်ဘိူန်းပွံတ်ဒေတိုည်းအ်ုန် ဆငည်းဒီန် ဆာ်မိုႈဂေါႇဆေအ်ုန်ပျံမ်းဒီန် ညှံမ်နံပ်စိအောႏ။
ဆာ်မိုႈတိုပိုင်းခန္ဓာယံမ်းအ်ုန်ဒီန်မိုႈ ဖုင်ပရိဟိတနံမ့်ခိုမ်းကဲ အီဟာဝ်တိူဝ်ႈဖါ်ႈ ဆံင်ကျိုဒဲႈအောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
