မာည်းရူပ၊ ကျံရ်ဆဲပ်တဲမ်ဘာ ဆငည်း 12၊ မူစယ်
ဘိူန်းအယ်နံပ် ဒီဘိူန်းဘဝ်ကီုက်ဒါင်း 3 ဖုင်ကဲတထိင်ခြဲ ပမူစယ် 105 မဲင်နီန် ကောန်အီမာည်းအူအီး ကတူႈအီကိုႈအ်ုန်ဒါဘိုတ် ကံပ်လှေဲင် 1 နှားမာ် ညှံမ်ဘိူန်းစိတိုည်း ကဝ်အီလူည်ႇအမှုဒီန်အောႏ။
ခည်ကျံရ်ဆဲပ်တဲမ်ဘာ ဆငည်း 5 ဒိူန် ပမူစယ် 105 ခေဲင်ဇံင် 3 ပဂါင်အူဂါင်နီန် တိုအီးဘြားကဲ ခိင်လီပ် ဘြားကဲတဂြိုနီန် ကဲကိုႈယံမ်းဟာဝ်းကညာဂါင် အ်ုန်အီဇီုဝ် ဦးမျိုးမင်းထွန်း ဘိူန်းအဆာက် 56 ဆန်ုမ်နီန်အောႏ။
ကဝ်အီနံပ် ဘည်မိုႈဘည်ဘာည်း တိုအီးအရာပ် 105 မဲင်နီန်အူအီး က္လာင်းတဖုင်ဆျှိုည်ဖီမျေဒါႈ “ ပဂါင်မိုႈလိူည်အ်ုန် အူအီးဂေါည်။ ခည်ဇူႈအ်ုန် ကတီုင်မိုႈအ်ုန်မံဝ်းဖါ်ႈ စီဂေႈယံမ်း။ ဘံန်ရောတ်အာရ်ဆငည်း စီတိူရ်ႈလာ်တိုပိုင်းခံန္ဓာအ်ုန်။ အမှိုဝ် ကျံရ်ဆဲပ်တဲမ်ဘာ ဆငည်း 11 စီဟောည်ကာန်အ်ုန်”။
အ်ုန်ဆီုပ်ဒါႈဘိုး ကဝ်အီပျံမ်းဟာဝ်း ဦးမျိုးမင်းထွန်းနီန် ဖုင်ဘဝ်ကီုက်ဒါင်း 3 ဖုင်ကဲ ဂီုည်ဆီုပ်တခေါရ်ဟာဝ်းအူန်းမာ် ကံပ်ရောတ်ကဇေန်နီး ညှံမ်ဘိူန်းစီတိုည်းကဝ်အီလူည်ႇအမှုဒီန်အောႏ။
ခည်ကျံရ် အေပ်ြုရ် ဆငည်း 24 ဒိူန်မာ် ပလှံင်မှုစယ် ခေဲင်ရဝ်နမ့်အွန်နီန် ကောန်အီမာည်း ကဝ်အီဒါခံင်မံဝ်းနီန် ကိုးဟာဝ်း ကောန်အီမာည်းအူအီးအောႏ။
မိုင်းယု 105 မဲင်နီန်မိုႈ ဘဝ်ကီုက်ဒါင်း 3 ဖုင်ကဲ တီုက်ဆီမ်းဟာဝ်း ခည်လံပ်တီုက်နာန်း 1027 စီအူပ်ဘြောင်ဟာဝ်းလာ်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
