လိုည်းထိုည်း၊ ကျံရ်ဇံန်နဗရီ ဆငည်း 5၊ လာဆေဝ်
ဘိူန်းနံပ်တောပ်ဘည်က္လာင်း တိုအီးအရာပ်ကဲ ဒီဘိူန်း တံပ်ကညာအာဏာဆီုက်ဇေဝ်ကဲတထိင်ခြဲ ခေဲင်ကီုင်းလာဆေဝ်နီန် ဟည်ပဲန်ဘိုးဘျုင်ပဒူ;ဟာဝ်းအောႏ။
အမှိူဝ် ကျံရ်ဇံန်နဗရီ ဆငည်း ၄ ခီညှာကပံတ် 4 နြီဒိူန် ခေဲင်ကီုင်းလာဆေဝ် ပဇံင် 1 ကဒါ,နားမခေါ်နီန် ပဲန်ဟာဝ်းပဒူ;အောႏ။
ကဲဒါ; ရီမ်းပြောဒီပဲန်ပဒူ;ဒီန် ခေဲင်ဗါင်းပို;လွတ်လပ်ရေးနီန် ဆဲ;ဒါ,တံပ်ကညာအာဏာဆီုက်ဇေဝ်ကဲ ဌာနကဲဟံရ်မာ် ရောတ်စာ်မ်းဖါ်; ဒါ;နံင်ရံပ်ရို;ကနာည် ဆငည်းလံပ်လောတ်လာပ်နီန်အောႏ။
ကောန်အီပ်ုန်အ်ုန်အီဂေါည် ခေဲင်ဇံင် 1 နီန်က္လာင်းဒါ; “ ယိူဝ်းအေ့ဟံမ်းဘျုင်ဒီန်။ အ်ုန်မို;ပ္လေပ်ုန်ကီုက်ခေဲင်တီုက်နာန်း။ မို;ဘျုင်ပ်ုန်တီ,ပ္လေ;ကဲစီညှံမ်နံပ်။ ဆီုဝ်ခီညှာဇေဝ်းဒိူန် ကဲရဲ့အူန်းလံပ်ကတ်ုမ်ရီမ်းပြောဒီန်“။
ကောန်အီပ်ုန် ကဝ်အီဒါ;ရကဗိုည်နီန်ဒါ; ဂေါ,အမှုဘျုင်ပဒူ;ဒီန် အာဝ်မိူဝ်;စိ အီကတူ;ဖေးဘာတ် ကာည်း ပ်ုန်လလူလှဲဝ်အောႏ။
ကဲဒါ; ကံပ်ရောတ်ခိင်ကိက်ကဲတဆဒါင်ကဇေန်နီး ခေဲင်ကီုင်းလာဆေဝ်နီန် တံပ်ကညာအာဏာဆီုက်ဇေဝ်ကဲ ဂီုည်စေတ်မေန်းအူန်းအောႏ။
ဘာည်းလိူည်ဒီန် ခည်ဆန်ုမ် 2025 ကျံရ်ဒီဆဲမ်ဘာ ဆငည်း 21 ဒိူန်မာ် ခေဲင်ကီုင်းလာဆေဝ် ပဇံင် 5 ကာည်း ဇံင် 2၊ ဇံင် 12နီန် ပဲန်ဟာဝ်းအမှုပဒူ; 3 ဒီအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
