မာည်းရူပ၊ ကျံရ်ဇူန်လည် ဆငည်း 17၊ မူစယ်
ဖုင်ယဲဆျှိုည်ဖီမျေ တခေါရ်နံပ် အ်ုန်အီမိုႈ ဒီဂေါည်ဂေါည်ပဲန်အမှု ကီုင်းပ်ုန်ထိင်ခြဲတံပ်ကညာအာဏာဆီုက်ဇေဝ်ကဲ ကပီုန်ဆျှံမ် ကဒါႇပိူည် ပကီုင်းမူစယ်နီန် ကောန်ဆီုက်ရဝ်မြို့မကဲအူအီး ကတူႈအီပဴင်ယံမ်းအောႏ။
ခည်ကျံရ်ဇူန်လည် ဆငည်း 15 စူန်အံပ် ကပံတ် 5 ဒိူန် ပမူစယ် ခေဲင်ဇံင်း ကောင်းမူလွယ်နီန် အ်ုန်အီမိုႈ ဖုင်ဆီုက်ရဝ်မြို့မ(3)နီန် ငျားအီ ပဴင်ယံမ်းအ်ုန် ခိင်ဟာဝ်းအ်ုန် ကဒါႇဇံင်ကောင်းမူးလွယ်နီန် ဒါကားအောႏ။
ကဝ်အီဒဲႈဆဒါင်းအူအီး က္လာင်းတဖုင်ဆျှိုည်ဖီမျေဒါႈ “ ခေဲင်ဇံင်ကောင်းမူလွယ် အ်ုန်မိူဝ်ႈဒီဘြဲဆားကား vx။ အ်ုန်ငျားအီပဴင်အ်ုန်ရီမ်းပြောဒီန်။ ကဒါႇဒီန် အ်ုန်တံန်။ ဆနာတ်ပ်ုန်ဒိူည်ဒေဲႈအ်ုန် ဂေါည်လိူည် ရီမ်းပြောအ်ုန်။ ကဲတိူဝ်ႈဟာဝ်းလိူည် ကားအ်ုန်။ ပျဆနာဆေကဲမိူဝ်ႈစိအာဝ်နံပ်”။
အ်ုန်ဆီုပ်ဒါႈဘိုး ကံပ်ရောတ်ကဇေန်နီး ညှံမ်နံပ်စိ ဖုင်မှောအီမိုႈ ပဴင်ယံမ်းအ်ုန်။
အ်ုန်အီမိုႈဒီပ်ုန်ထိင်ခြဲ တံပ်ကညာအာဏာဆီုက်ဇေဝ်ကဲ ပကီုင်းမူစယ်နီန် အ်ုန်ဘိူည်ဂေါည်ဂေါည်ပဲန် အမှုစိုန်၊ အမှုကဖါႇ၊ အမှုဘြား ကာည်း အမှုအီုင်ဂ္လံတ်ကဲနီန်မာ် တံပ်ကညာအာဏာဆီုက်ဇေဝ်ကဲ အာဝ်မိူဝ်ႈစိ ဘည်ဘယ်ကဲတတိူဝ်ႈအရေးအောႏ။
ခည်ကျံရ်ဇူန် ဆငည်း 25 ဒိူန်မာ် ကောန်အီမာည်းအူအီး အ်ုန်အီရီန်းဒေဘြားခေဲင် ပါင်ကတော်နီန် ကတူႈဖုင်ဆီုက်ရဝ်မြို့မကဲပဴင်ယံမ်းအ်ုန်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
