မာည်းပါင်ပျော၊ ကျံရ်ဇူန် ဆငည်း 3၊ လာဆေဝ်
ဘိူန်းအယ်နံပ်တ ကူန်ရဝ်မာဂါင်ကဲ က္လာင်းဒါႈ ဂေါႇပ်ုန်ကဇောည်ဒဲႈခယ်ကဲ ပ်ုန်ႎီရ်ဘိူန်း တံပ်ကညာအာဏာဆီုက်ဇေဝ်ကဲတထိင်ခြဲ ကီုင်းလာဆေဝ် ကပီုန်ဆျှံမ်ကဒါႇပိူည်နီန် ကဲနံင်ႎီရ်ႎိူဝ်ႈဟာဝ်း မြန်မာ့စီးပွားရေးဘဏ် အ်ုန်အီဂေါည်ပလာဆေဝ်နီန်အောႏ။
ကူန်ရဝ်မာဂါင် ကောန်အီမာည်း အူအီးက္လာင်း တဖုင်ဆျှိုည်ဖီမျေဒါႈ ကဲဇူႈဒေႎိူဝ်ႈဟာဝ်း မြန်မာ့စီးပွားရေးဘဏ်နီန် အဒိူဝ် ကျံရ်မေ ဆငည်း 3 ခီညှာ 9 နြီဒိူန်အောႏ။
“မိုႈအေ့ ကဲဟည်ႎီရ်ႎိူဝ်ႈဟာဝ်း မြန်မာ့စီးပွားရေဘဏ်ဒီန်။ ခည်ဟာဝ်းအော ကဒါႇဒီန်ဒိူန် အောယိူဝ်းအေ့ ကဲဟည်ႎိူဝ်ႈ”
ဘိူန်းအယ်နံပ်တကူန်ရဝ်မာဂါင်ကဲ က္လာင်းဒါႈ ပဘဏ်ဒီန် ဆဲႈဒါႇ ရူရ်ႈကျံရ်ပင်စင်နီန် တောပ်ပည် ရူရ်ႈကျံရ် ကာည်း ရိူန်းတီုင်ဌာနကဲတောန်နဲ ၊ ကဲနံင်ဒဲႈရေဲန်ဟာဝ်းဘိုး ဘည်ထုတ်ရိူန်း၊ဟံပ်ရိူန်း၊ လှောည်ရိူန်းနီန် ကနာည်ကူန်ရဝ်မာဂါင်ကဲအောႏ။
ဘံန်ႎီရ်လီပ်ဒေဲႈ ကညာအာဏာဆီုက်ဇေဝ်ကဲ ခေဲင်ကီုင်းလာဆေဝ် ဘံန်လှေင် 1 ကျံရ်လေႈနီန် ကဲဘိူည်ဘဲဒေကပါ်ႇကပံန်ဟာဝ်းႎိူဝ်ႈဟာဝ်း ဖုင်ဆပဲဆငါး၊ လူမ်တီုင်စေတ်မေန်းတိုအီး၊ ပါင်ယာန်ပ်ုရ် ကာည်း ကျောင်ပနောဘေဲ,ကဲဂဲနီန်မာ် ကဲညှံမ်ဘဲစိဒေရေဲန်ဟာဝ်း အမှုဘြား၊ အမှုကဖါ,၊ အမှုစိုန် ကဲအီဂေါည်ဂေါည်ပဲန် ကဲနီန်အော။
ကဝ်အီကပ္လါ,ဘေဲ,ဆဒါင် – လိုည်းပို;ဆပေ
ဆဒါင်ဆျှိုည်ဖီမျေဂဲနီန် အာဝ်ဝံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်နီန်။
