ဇူန်လည် ဆငည်း 12၊ နောင်ခေဝ်
ဖုင်ယဲဆျှိုည်ဖီမျေ တခေါရ်နံပ် အမှိူဝ် ကျံရ်ဇူန်လည် ဆငည်း 11 ဘံန်ဆံန် ကပံတ် 3 နြီလေႈ 10 မနေတ်ဒိူန် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ်ဂျက်ဖိုက်တာ ပျောႈဟာဝ်းဘျုင် ပေါင် 250 ခေဲင်ကီုင်းနောင်ခေဝ်အောႏ။
ကဝ်အီဒဲႈဆဒါင်ကဲ က္လာင်းဒါႈ “ ကဲပျောႈဟာဝ်း ခေဲင်ကီုင်း 2 ပိုင်း။ ငျားခေဲင်ဇံင်က္လာႈ အရာပ် 10 ။ အာဝ်မိူဝ်ႈစိတိုအီးလ။ တိုအီးကဲမာ် ဟည်ဒဝ်ဒိုည်ႇ။”
ဂေါႇဘျုင်ပ်ုန်ပျောႈကဲဒီန် လလူလှဲဝ်ႏဟာဝ်း ဂါင် 6 ကြောင် ဆဲႈဒီန် ကဲပျောႈဟာဝ်းဘိုးဘျုင် 2 ပိုင်း ခေဲင်ရဝ်ကျောက်ကြမ်းအောႏ။
ကဲဒါႈ ကဇေန်နီး ကဲဂီုည်ပဲန်ကရဲင်ဘ်ိုး ပ္လေါည်ကတီုက်ကပဴင်နီန် ရီမ်းပြောတံပ်ဒုံး (606) ပဆိုင်းပုဒ်နောင်ခေဝ်နီန် တိုအီးအီဂေါည်ခေဲင်ကီုင်းကဲမာ် ကံပ်ယိူဝ်းဒိုည်ႇ တငါဝ်းဟံမ်းအ်ုန်အောႏ။
တံပ်ကညာအာဏာဆီုက်ဇေဝ်ကဲမာ် ကနာည်နံင်ဘိူန်းကဲတ ကီုင်းနောင်ခေဝ်နီန် ဂီုည်ဒါရဲင်ဘ္လောမ်ဟြဲင်လေႈ စီတီုက်ဟာဝ်းတောန်ကဒါႇ ဆီုက်တအာင်း ကာည်း တံပ်ကပိုမ်ကဲမာ် ကနာည်နံင်အာဝ်က္လိုတ်ႎီရ်ကဲ ဒါႇကီုင်းလာဆေဝ်နီန် ကဲဂီုည်ဆီုပ်ခုခါမ်ဟာဝ်းအူန်းအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
