မာည်းအဆျှဴင်၊ ကျံရ်ဇူန် ဆငည်း 27၊ မာဝ်းႎံင်း
တိုအီးအရာပ်ကဲ က္လာင်းတဖုင်ဆျှိုည်ဖီမျေဒါႈ ဒီဘိူန်းတံပ်ဆီုက်တအာင်း TNLA ကဲတထိင်ခြဲ ပကီုင်းမာဝ်းႎံင်းနီန် တံပ်ကညာအာဏာဆီုက်ဇေဝ်ကဲ ဒါယာန်ပ်ုရ်ဒေဲႈပျောႈဟာဝ်းဘျုင် ခိင်အီတ်ဆငဲႈအီး ရဆိူဝ်ဒိူန် ဒီဘြေ့အ်ုန် ကဝ်အီယံမ်း 1 အီး ကာည်း 2 အီး ကတူႈဖေးဘာတ်အောႏ။
“ ကောန်အီပ်ုန် အူအီးယံမ်း။ အ်ုန်မိုႈ ကဝ်အီဇီုဝ် မမိုးနှောင်း ဘိူန်းအဆာက် 50 ဆန်ုမ်။ အာရ်အီး ကတူႈဖေးဘာတ်။ ကဇေန်နီး ဆိင်နံပ်လိူည်ထာန်ဒီန်။ အ်ုန်ပဲန်ဟာဝ်းလိူည် ရီမ်းပြောယုင်စာက်ေရဲန်ကာန်”
ကဲဒါႈ ကဲဒေဲႈဟာဝ်း အဒိူဝ် ခီညှာဇေဝ်း 12 နြီ 46 မနေတ်ဒိူန် ခေဲင်ဇံင် 7 ပယုင်ဆောက်လုပ်ရေးနီန်အူလိူဝ်ႈ ဒေဲႈပျောႈဟာဝ်းဘိုး 12 နြီ 51 မနေတ်ဒိူန်ကစုကပိုမ် ကဲဒေဲႈဟာဝ်း အာရ်လိူဝ်ႈအောႏ။
ခည်ကျံရ်ဇူန် ဆငည်း 24 ဒိူန်မာ် တံပ်ကညာအာဏာဆီုက်ဇေဝ်ကဲ ဒါယာန်ပ်ုန် ဒေဲႈပျောႈဟာဝ်းဘျုင် ဒီဂီုန်းတိုအီး ပဆဴင်ပေါမ်စံပြနီန်အောႏ။
ဂေါႇပ်ုန်ဒေဲႈတီုက်ကဲဒီန် တိုအီးအီဒဝ်ဒေဲႈကဒါႇနောင်ခေဝ် တောပ်ပည် အီႎဲႈဖေးႎဲႈနာန်း ကောန်အီပ်ုန် 2 အီးနီန် 4 အီးယံမ်းဟာဝ်းဖါ်ႈ 14 အီး ကတူႈဖေးဘာတ်ဟာဝ်းအောႏ။
ကဇေန်နီး တံပ်ကညာအာဏာကဲ ကနာည်နံင် ႎီရ်ဘိူန်းကဲတလာ်ထိင်ခြဲ ကီုင်းနောင်ခေဝ် ပ်ုန်ထိင်ခြဲအူန်း တံပ်ဆီုက်တအာင်း TNLA ကဲ ဆဲႈဒါႇထိုးလီပ်ဒေဲႈကဲ ပမာဝ်းႎံင်းမာ် ကဲဂီုည်ပျောႈဟာဝ်းဘျုင်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
