လိုည်းဇူန်မိုး၊ ကျံရ်အံက်တိုဘာ ဆငည်း 29၊ မာဝ်းဝံင်း
ဘံန်ဟောည်,ထိင်ခြဲ တံပ်ကညာအာဏာဆီုက်ဇေဝ်ကဲ တကီုင်းမာဝ်းဝံင်း ကပီုန်ဆျှံမ်ကဒါ,ပိူည်နီန် ကဲဟည်တိုည်းဟာဝ်းဖါ်; ကောန်အီမာည်း 3အီး ဒါမို;ကဲကတူည်,ကဝှတ တံပ်ဆီုက်တအာင်း TNLAကဲ ဆဲ;ဒါ,ဒီန် ဂါင်ဂေါည်မံင်ခ္လမာ် ဟည်ကတူ;ကဲ ဘိဟာဝ်းအော်။
တိုအီးခေဲင်အရာပ်အူအီး က္လာင်းဒါ; ကဲဟည်တိုည်းဟာဝ်း အ်ုန်အီဇီုဝ်ကိုပြူးကာည်း တာဘြောင်ဇံင် (1) အ်ုန်အီရံပ်လာည်း ဇီုင်းကပ္လိူင် တာဘြောင်ဇံင် ခည်ထိင်ခြဲ TNLA ကဲ ကျံရ်အံက်တိုဘာ ဆငည်း 25ဒိူန်အော်။
ကဲဒါ; “အီကတူ;တိုည်းမို; တာဘြောင်ဇံင် (1) ကာည်း တာဘြောင်ဇံင် (6) မို;ဘိုး ကိုပြူးအ်ုန်အီဂေါည် မဇံင် (1)။ နှေရ်လိူည်မို; စရဖ ကဲအီစကေးကဲနီန် ရေဲန်”
ဘာည်းလိူည်ဒီန် တိုအီးခေဲင်အရာပ် ရကဝိုည်နီန်က္လာင်းဒါ; ခည်ကျံရ်အံက်တိုဘာ ဆငည်း 26ဒိူန်မာ် ကဲဒေဲ;တိုည်းဟာဝ်းဘိုး တာဘြောင်ဇံင် (6)နီန်အော်။
ဘိူန်းဘိုးအယ်နံပ်မို;တ တံပ်ကညာအာဏာဆီုက်ဇေဝ်ကဲ ဘိဟာဝ်းဂါင် တောပ်ပည်ဂါင်တာဘြောင်ဇံင် ဂါင်ဇံင် (1) ကဲ 3ဂါင်၊ ဂါင်ဇံင် (3) ကဲ 1ဂါင်ကာည်း ဂါင်ဇံင် 6ကဲ 1ဂါင် ကစုကပိုမ်မို; 5ဂါင်အော်။
ဖုင်ယဲဆျှိုည်ဖီမျေ တခေါရ်နံပ် မို;တ ပနော်င်ခေဝ်မာ် တံပ်ကညာအာဏာဆီုက်ဇေဝ်ကဲ ဂီုည်တောပ်ဒေ ဘိဟာဝ်းဂါင်ဂေါည် ဒါမို;ကဲ ကတူည်,ကဝှတ PDF ကာည်း TNLA ကဲ အီကတူ;တိုည်းမာ် မိူဝ်;အေ့အော်။
ကီုင်းမာဝ်းဝံင် ပ်ုန်ထိင်ခြဲအူန်း တံပ်ဆီုက်တအာင်း TNLA ကဲဒိူန် တံပ်ကညာအာဏာဆီုက်ဇေဝ်ကဲ ဟည်ဘိူန်းဝီရ်ဘိုး ခည်ကျံရ်အံက်တိုဘာ ဆငည်း 1ဒိူန်အော်။
ကဝ်အီကပ္လါ,ဘေဲ,ဆဒါင် – Lway N Tra
~ ~ ~
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
