လိုည်းလာဝ်ဇာရ်၊ ကျံရ်အံက်တိုဘာ ဆငည်း 22၊ မာဝ်းဗံင်း
ကဝ်အီနံပ်ဘည်မို;ဘည်ဘာည်း ကောန်အီပ်ုန်အူအီး က္လာင်းတဖုင်ဆျှိုည်ဖီမျေဒါ; ကပီုန်ဆျှံမ်ကဒါ,ပိူည် ခေဲင်လှံင်မာဝ်းဗံင်းနီန် တံပ်ကညာအာဏာဆီုက်ဇေဝ်ကဲ ပျော;စာဝ်းဘိုးဘျုင် တောပ်ပည်ကောန်ကညောမ် 1 အီး 3 အီးကတူ;ဖေးဘာတ်ဟာဝ်း။
ခီမှိူဝ် ကပံတ် 12 နြီလေ;အိုည်ကိူရ်မနေတ်ဒိူန် ဘိူည်အာဝ်မိူဝ်; ပ္လေါည်ကတီုက်ကပဲင်မာ် ကဲပျော;ဟာဝ်းဘျုင် ပေါင် 250 နီန် 2 ပိုင်းဒါဂျက်ဖိုက်တာ ခေဲင်ရဝ်မန်စံ ခမိုရဝ်တောန်ဆန်နီန်။
ကဝ်အီနံပ် ဘည်မို;ဘည်ဘာည်း ကောန်အီပ်ုန်အူအီးက္လာင်းဒါ; “ ကဲဒေဲ;ပျော;ဟာဝ်း ခိင်အီတ်အီး။ လလူဒိူည်, ကျောင်စဝ်။ ခေဲင်ကဲအီကတူ;ဖေးဒိူန် အ်ုန်တောပ်ပည် ကောန်ကညောမ်အူအီး”
ဂေါ,ဘျုင်ပ်ုန်ပျော;ကဲဒီန် တောပ်ပည်ကောန်ကညောမ် 1 အီး ကောန်အီပ်ုန် 1 အီးကာည်း ကောန်အီမာည်း 1 အီးကတူ;ဖေးဘာတ်ဟာဝ်းဖါ်; လလူဟာဝ်း ဂါင်ဂေါည် 5 ကြောင်။
အမှိူဝ် ကျံရ်အံက်တိုဘာ ဆငည်း 21 ဒိူန်မာ် တံပ်ကညာအာဏာဆီုက်ဇေဝ်ကဲ ဒါဂျက်ဖိုက်တာ ပျော;ဟာဝ်းဘျုင် ခေဲင်ပါင်ပ္လေခ္လုင်ဖူဆယ် အ်ုန်အီဂေါည်ရီမ်းပြောကျောင် ကန်တောင် ပမိုဂူ; ကဒါ,လေ;ဆာင်ငည်း။
တံပ်ဆီုက်တအာင်း TNLA ကဲ ပ္လိူရ်;လေ;ဒါ; ဇူ;ဒါကျံရ်အံက်တိုဘာ ဆငည်းအူရောတ် အဒိူဝ်ဆငည်း 22 နီန် တံပ်ကညာအာဏာဆီုက်ဇေဝ်ကဲ ပျော;ဟာဝ်းဘျုင် ပကီုင်းရူကော (2)လိူဝ်; ကီုင်းမာဝ်းဗံင်း (2)လိူဝ်;၊ ကီုင်းဆဘော (6) လိူဝ်;၊ ကီုင်းကုင်ငှေါ (3) လိူဝ်;၊ ကီုင်းမိူင်လုံ (3) လိူဝ်;၊ ကီုင်းအိုမ်ယ်ုရ် (6)လိူဝ်;၊ ကီုင်းအိုမ်ငျံရ် (5) လိူဝ်;၊ ကီုင်းမိူင်မီတ် (3) လိူဝ်;ကာည်း ကီုင်းမိုဂူ; (4)လိူဝ်; ကစုကပိုမ် ကဲဒါယာန်ပ်ုရ် (34) လိူဝ်; ခေဲင်ကီုင်းမာဝ်းဗံင်းနီန် ကဲဒါဘိုး ဒရုန်းပျော;ဘျုင်းဘိုး အူလိူဝ်;။
ခေဲင်အရာပ်တအာင်းကဲ ဒီထိင်ခြဲ PSLF/ TNLA ကဲနီန် တံပ်ကညာအာဏာဆီုက်ဇေဝ်ကဲ ဇူ;ဒါကျံရ်အံက်တိုဘာ ဆငည်း 1 ဒိူန် ပျော;ဟာဝ်းဘျုင် ကံပ်ရောတ် ကျံရ်အံက်တိုဘာ အဒိူဝ် ဆငည်း 22 တောပ်ဘည်စြာင်း ပ်ုန်ကစုအူန်း ဖုင်ယဲဆျှိုည်ဖီမျေ ကဲအီယံမ်းဟာဝ်း တောပ်ပည်ကောန်ကညောမ် 9 အီး ဟည်ဂေါည် 47 အီး ကာည်း တောပ်ပည်ကောန်ကညောမ် 11 ကဲအီကတူ;ဖေးဘာတ်ဟာဝ်းဟည်ဂေါည် 59 အီး။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
~ ~ ~
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
