ကျံရ်ဒီဆဲမ်ဘာ ဆငည်း 9၊ လာဆေဝ်
ဘိူန်းအယ်နံပ်တ တိုအီးခေဲင်အရာပ်ကဲ မိုႈတ ပဇံင် (5) ကီုင်းလာဆေဝ် အ်ုန်အီမိုႈဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် ကဲႎိူဝ်ႈဖါ်ႈ ပါင်ကတော်ဒါင်း ခေဲင်ႎါင်း အ်ုန်အီဂေါည်ပမာန်အာည်ဂိုရ်နီန် ကဲဘိူည်ႎိူဝ်ႈဘြည်ပေန်ကျံရ်မာ် မောကံပ်ရောတ်ကဇေန်နီး ညှံမ်မိူဝ်ႈစိ ဘည်ဘိဟာဝ်းကဲအောႏ။
ကဲဒါႈ တိုအီးခေဲင်အရာပ်ကဲ ပေန်ပယာႈအီး ဒေဲႈကတော်ဖါ်ႈ ပပါင်ကတော်နီန်တောန်ဆငည်း ခံင်မဝ်းမာ် ဂီုည်ဘိူန်းအူန်းဇိူရ်ႈ ငှိူည်ငှိူည်ကြိူဝ်ႈကြိူဝ်ႈအောႏ။
တိုအီးခေဲင်အရာပ် ကဝ်အီဂေါည်ပဇံင် (5) ဒီန်အူအီး က္လာင်းဒါႈ “ပ္လေါည်ဆေမာ်အာဝ်မိူဝ်ႈ။ ဂါရ်အူပီးအူမေဲန် အီႎိူဝ်ႈပါင်ကတော်ဒီန် ဘာည်းလိူည်ကဲထိုးလာပ်တ တားကပီုန်ဒါင်း၊ တားဗျူဟာကာည်း တီုင်ဌာနကဲရေဲန်ယာ့်။ ဆဲင်ကယ်ကဲအီဒေဲႈကတော်ကဲနီန် နိုက်ပွံတ်တောန်ဆငည်း။ အီဒေဲႈကနိုက်မာ် မိုႈလိူည်တိုအီးခေဲင်အရာပ်ကဲ”
ကဲအီအွံရ်ႎိူဝ်ႈ ပါင်ကတော်ကဲနီန် ကဲမိုႈဖါ်ႈအီဘားဒါလာက်နာက် ဆာ်မိုႈဖုင် ဖုင်မှောကဲမိုႈမာ် ညှံမ်ဘယ်စိ ပ္လအောႏ။
ခေဲင်ပါင်ကတော်ဒီန် ဂေါႇမိုႈအ်ုန်ဘိူန်း ခံင်မဝ်း စီပဲန် ဘည်ဂီုန်းဒေဲႈ အီဒါခံင်မဝ်း အမှုဘြားကဲနီန်မာ် ဂီုန်းဒေဲႈခည်းအောႏ။
တိုအီးခေဲင်အရာပ်ကဲ က္လာင်းတဆျှိုည်ဖီမျေဒါႈ ဘံန်ဟောည်ႇထိင်ခြဲ တံပ်ကညာအာဏာဆီုက်ဇေဝ်ကဲ အမှုမှာတ်၊ အမှုပဴင်ဆနာတ်၊ အမှုဘြား ပကီုင်းလာဆေဝ်နီန် ဂီုန်းဒေဲႈဖါ်ႈ ဘည်ဘယ်တီုင်ဌာနကဲ တတိူဝ်ႈလာည်းအရေးမာ် ဆီုင်ဂီုည်ဘ္လောမ်ဘြေ့အူန်းအောႏ။
ကဝ်အီကပ္လါႇဘေဲႇဆဒါင် – Lway N Tra
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
