မာည်းရူပ၊ ကျံရ်ဆဲပ်တဲမ်ဘာ ဆငည်း 1၊ မာဝ်းႎံင်း
ဘိူန်းအယ်နံပ် ဒီထိုးဟာဝ်း တံပ်ကညာအာဏာဆီုက်ဇေဝ်ကဲ ခေဲင်ကီုင်းမာဝ်း ရီမ်းပြောခိုမုန်နီန် တံပ်ကညာအာဏာဆီုက်ဇေဝ် ကာည်း တံပ်ဆီုက်တအာင်း TNLA ကဲပဲန်ကရဲင်ဖါ်ႈ ပ္လေါည်ကတီုက်ကပဴင်နီန် ခေဲင်ကီုင်းမာဝ်းႎံင်းဒီေပန်ခ္လနီန် ဂီုည်မိုႈလိူည် TNLA ကဲ ထိင်ခြဲအောႏ။
ကဝ်အီဂေါည်ခေဲင်ပ္လေါည်ကတီုက်ကပဴင်နီန် အူအီးက္လာင်းဒါႈ“ ပ္လေါည်ကတီုက်ကပဴင်နီန် အ်ုန်ပဲန်ရီမ်းပြောရဝ်ခိုမုန်း။ ခနားရဝ် စခန်းသာ ကာည်း မိုင်းတင်းမာ် ကဲပဲန်။ ညှံမ်မိူဝ်ႈစိ ဘည်ဘယ်တံပ်ကညာအာဏာဆီုက်ဇေဝ်ကဲတခ္လေါႈ”။
ကဇေန်နီး ဒီပဲန်တပ္လေါည်ကတီုက်ကပဴင်ကဇေန်နီး ဂေါမိုႈ အ်ုန်ကဒိုင်းတောပ်လိူည် ကီုင်းမာဝ်းႎံင်းနီန် 3 မဲင်နီန် ဘိူည်မိူဝ်အီနှဲဒါႈမိုႈတ ကဒါႇတံပ်တအာင်း TNLA ကဲအာဝ်ဘယ်စိဒေထိင်ခြဲမာ် TNLA ကဲဂီုည်ဆီုပ်တီုက်ဟာဝ်းအူန်အောႏ။
တံပ်ဆီုက်တအာင်း TNLA ကာည်း တံပ်ကညာအာဏာဆီုက်ဇေဝ်ကဲ ပဲန်ကရဲင်ပ္လေါည်ကတီုက်ကပဴင် ပမာဝ်းႎံင်းနီန် ဟည်ဘိူန်းဘြည် 1 ကျရ်လေႈ ဘည်တိူဝ်လ တံပ်ပည်အာရ်ကဒါမာ် ဂီုန်းခည်းအောႏ။
ဆာ်ကီုင်းမာဝ်းႎံင်းနီန် စာမ်းဟာဝ်းခေဲင်တံပ်ကညာအာဏာဆီုက်ေဇဝ်ကဲ မာဝ်းႎံင်း – မိုဂူႈ၊ မာဝ်းႎံင်း – အေဲမ်ယ်ုရ် ကာည်း မာဝ်းႎံင်း – ဆဘောကီုင်းကဲနီန် တံပ်ဆီုက်ကညာအာဏာဆီုက်ေဇဝ်ကဲ ဂီုည်ေနှရ်နံင်ဆီုပ်ထိုးဟာဝ်းအောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
