ပိုႈလဘား၊ ကျံရ်ဆဲပ်တဲမ်ဘာ ဆငည်း 8၊ လာဆေဝ်
ဖုင်ကဇောည်ဇာတိမြေပမာဝ်းႎံင်းနီန်အူအီး က္လာင်းဒါႈ ကောန်တဘိုက် အီႎဲႈဆီုက်ႎဲႈနာန်းအူအီး အ်ုန်အီယိူဝ်ႇမာဝ်းႎံင်း ဒဝ်ဟာဝ်းကဒါႇလာဆေဝ်နီန် ပဲန်ဟာဝ်းယာန်ကဒူႈဖါ်ႈ ယံမ်းဟာဝ်းအောႏ။
ခည်ကျံရ်ဆဲပ်တဲမ်ဘာ ဆငည်း 4 ခီမှိူဝ် ကပံတ် 7 နြီဒိူန် အ်ုန်အီဂေါည်ခေဲင်လာဆေဝ်ပ က္လာႈဘူတာနီန် အာည်ႇရောတ်ပါင်ယာန်ပ်ုရ်နီန် ကဲပဲန်ဟာဝ်းယာန်ကဒူႈအောႏ။
“ အ်ုန်ဒဝ်ဒေဲႈနီန် ဆိင်ဘိူန်းလိူည် 3 ဆငည်း။ ကောန်တစ်ဘိုက်ဒီန် ဂါရ်ဘဒေဲႈအာရ်အီး။ ကဝ်အီမောင်ဆဲင်ကယ်ဒီန် တည်အ်ုန်ကပံက်ဟာဝ်း။ ကဝ်အီတောပ်ရဘံန်အ်ုန်စီ ကိင်ကလာ်ႈဟာဝ်း။ အ်ုန်လပွံတ်ခေဲင်တိုအ်ုန်။ ကံပ်ဟိူမ်းလေႈနှာမ်း။ ဇူႈဇူႈဘာည်းအ်ုန် ညှံမ်ယံမ်းစိ။ အ်ုန်ယံမ်းလိူည် ဘံန်ရောတ်ပယုင်ဆနံမ်”
ကဲဒါႈ ကဝ်အီယံမ်းဟာဝ်းဒီန် အ်ုန်ဘိူန်းအဆာက် 18 ဆန်ုမ် ဇီုဝ်ဖြို့သန့်ကျော် ကဲစီသင်္ဂြုလ်ဟာဝ်းအ်ုန် ပဘာသာပေါင်စုံသုသာန်နီန်အောႏ။
ခည်ကျံရ်ဆဲပ်တဲမ်ဘာ ဆငည်း 4 ခီညှာ ကပံတ် 10 နြီလေႈဒိူန်မာ် တိုအီးရဝ်ပင်တိန် ကဝ်အီဇီုဝ် ဦးမာလာ ဘိူန်းအဆာက် 65 ဆန်ုမ် အ်ုန်အီရံပ်ခါမ် ဘည်ဆန်ုမ် ပယုင်ဆနံမ်ဒါင်းလာဆေဝ်နီန် ယံမ်းဟာဝ်း ဂေါႇဆိဘျုင်နီန်အောႏ။
ကဝ်အီကပ္လါႇဘေဲႇဆဒါင် – လိုည်းပိုႈဆပေ
ဆဒါင်ဖုင်ယဲဆျှိုည်ဖီမျေဂဲနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
