ပိုႈလဘား၊ ကျံရ်ဇူန်လည် ဆငည်း 23၊ မူစယ်
အီအွံရ် ဖုင်နှလုံးသားလှ ပရဟိတကဲအူအီး က္လာင်းတဆျှိုည်ဖီမျေဒါႈ ပကီုင်းမူစယ် ကပီုန်ဆျှံမ်ကဒါႇပိူည် အ်ုန်အီမိုႈဒီပ်ုန်ထိင်ခြဲအူန်း တံပ်ကညာအာဏာဆီုက်ဇေဝ်ကဲနီန် ကောန်အီမာည်းအူအီး ဘဲတ်ဖါ်ႈကား ဇောႈယံမ်းဟာဝ်း ခေဲင်အိုမ်အောႏ။
ကဲဒါႈ ခည်ကျံရ်ဇူန်လည် ဆငည်း 21 ခိင်ဆံန် 3နြီဒိူန် ကောန်အီမာည်း ဘိူန်းအဆာက် 20ဆန်ုမ်နီန်အူအီး ဘဲတ်ဖါ်ႈကား ဇောႈယံမ်းဟာဝ်း ခေဲင်အိုမ်ခြံင် အီဂေါည်ပဇံင်ပါင်လိုင် ကီုင်းမူစယ်နီန်အောႏ။
“ပဇံင်ပါင်လိုင် ခေဲင်ႎါင်းဆီုက်ရဝ်ကဲ မိူဝ်ႈအိုမ်ခြံင်ဟျံင်ကားအူလှေ။ တိုအီးမံင်ခ္လကဲဒိူန် နံပ်အေ့။ မံင်ခ္လမာ် အာဝ်နံပ်။ အိုမ်ခြံင်ဒီန် အ်ုန်ဒါင်းခည်း ထာန်လီုက်အ်ုန် နံင်ဇာရ်ပွံတ်ကပံတ်ဟြံင်အူလူရ်။ ကောန်ဆီုက်ရဝ်ဒီန် ဂေါႇမိုႈအ်ုန်ဘဲတ်ဖါ်ႈကား လံမ်အိုမ် စီပဲန်အ်ုန်ဇိူမ်ႏယံမ်းဟာဝ်းပွံတ်ခေဲင်အိုမ်ဒီန်။ ခိင်မှိူဝ် 7နြီ ကဲစီယိူဝ်း တိုပိုင်းခန္ဓာယံမ်းအ်ုန်ဒီန်။
ဆာ်မိုႈတိုပိုင်းခန္ဓာယံမ်းဒီန်မိုႈ ဖုင်နှလုံးသားလှ ပရိတကဲအီဂေါည် ပကီုင်းမူစယ်ကဲနီန် အီဟာဝ်းတိူဝ်ႈလာည်းဖါ်ႈ တိုန်းအူန်းပရင်ခွဲရုံအောႏ။
ခည်ကျံရ်အေပ်ြုရ် ဆငည်း 25ဒိူန်မာ် ကောန်ကညောမ် ဘိူန်းအဆာက် 15ဆန်ုမ်နီန်အူအီး ယိူဝ်ႇတလံမ်အိုမ် ဇိူမ်ႏယံမ်းဟာဝ်းပွံတ် ခေဲင်အိုမ်ခြံင်ဟျံင်ကား အ်ုန်အီဂေါည်ခနား ရဝ်မိုင်းဟုန်းကာည်း ရဝ်နားမတ် လှံင်အိုမ်ငျံရ်နီန်အောႏ။
ကဝ်အီကပ္လါႇဘေဲႇဆဒါင် – Lway N Tra
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်းလိူည် ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင်ချှံန်နယ် ပ်ုန်ကိက်ပ္လေႈအူန်း ရခြူမ်ကဲနီန်အောႏ။
