သူတော်စိန်၊ ဒီဆဲမ်ဘာ ဆငည်း 19၊ မူစယ်
ဘိူန်းတခေါရ်နံပ် အ်ုန်အီမိုႈ ဒီကစာပ်ကုင်ကပိုမ် – ကုင်ခယ် ခေဲင်ကီုင်းမူစယ်နီန် ကဲဒါႈဖါ်နံင်ဘိူန်း ရူရ်ကျံရ်ဂီုန်းစီ ခ္လံဝ်းကောန်အီပ်ုန်ဒဲႇကဲစီ ဟာဝ်းတိုန်းကဲပယုင်ဒီယံင်းတိုပိုင်းကာမနီန်အောႏ။
ကောန်အီပ်ုန်ဒဲ, အ်ုန်အီဘိူန်းအဆာက် 14 ဆန်ုမ် အ်ုန်အီကတူ;ကဲခ္လံဝ်းနီန် က္လာင်းဒါ; က်ုန်ရံရ်ကဲခ္လံဝ်းဒါ; နံင်ဘိူန်းဂီုန်းရူရ်;ကျံရ်နီန်စီ ခ္လံဝ်းကဲဟာဝ်းတိုန်း ပယုင်ဒီယံင်းတိုပိုင်းကာမနီန် အ်ုန်တောပ်ကောန်အီပ်ုန် အီဘိူန်းအဆာက် 18 ဆန်ုမ်နီန် 2 အီး ကာည်း ကောန်အီပ်ုန် အ်ုန်အီဘိူန်းအဆာက် 14 ဆန်ုမ်နီန်အူအီး ကဲမို;တိုအီးရဝ် အ်ုန်အီဂေါည်ခေဲင်လှံင် မြင်းခြံ ကပီုန်းဒါင်းမန္တလေးအောႏ။
“ က်ုန်ရံရ်ဒီန်ဒါႈတယဲ 3 အီး နံင်တိုန်းပဲပယုင်ဒီရေဲန်ဆလိက် အ်ုန်ဘိူန်းဂီုန်းရူရ်;ကျံရ်စီ ဒေဲ;တော,ယဲပရဝ်။ ဘံန်ရောတ်ယဲ ကဲဆူည်,ယဲရေဲန်ဒီယံင်းတိုပိုင်းကာမ (ဘိ)။ ယဲစီဒါ; အာဝ်ဘယ်စိရေဲန်ဒီနီန် ဘံန်ဒါ;ယဲဘာည်းဒီန် ယာဆြာဗီရ်းမှာန်းပွံတ် ရူရ်;က်ုန်ရံရ်နီန် ကာည်း ရူရ်;ကား ရူရ်;ဟောမ်းနီန် 15 ဆဲန်။ ယအာဝ်မိူဝ်;စိရိူန်းကနာည်နံင်ဒဲ;ရိူန်းဒီန်။ ဂေါ,ဘည်ဒီန် ကံပ်အာဝ်ဆိင်ရေဲန်မာ် နံင်လိုလိူည်ရေဲန်။ ကံပ်အာဝ်မိူဝ်;လာ်အီနံင်ကဇောည်ယဲ”။
ကောန်အီပ်ုန်ဒဲ,3 အီးကဲဒီန် ကဲကတူ;အီတိုန်းကဲ ခည်ကျံရ်နိုဗဲမ်ဘာဒိူန် အ်ုန်အီမို;ပ်ုန်ဗိူဝ်; တာမ်တာပလိက်မူစယ် နေယုဆန်း လှေအ်ုန်အီမို;ဇီုဝ် 1256 အ်ုန်အီဂေါည် ရီမ်းပြောကျောင်ချှံန်ဇာရ် ပုဂ္ဂလိကတေဲင်ရဒေင်ဒါင်းနီန်အောႏ။
ကဲဒါ; နံင်ကဲအာဝ်ဘိူန်းဒဝ်နီန် ကဲဆီမ်းအူန်းဘိုး ကဘ္လျကနံဝ်းတို ကောန်အီပ်ုန်ဒဲ, 3 အီးနီန် ဆဲ;ဒီန် ကပျောဒါ;အူန်းဘိုး နံင်ကဲအာဝ်ဘိူန်း ပ်ုန်ကဇောည်တအီးအောႏ။
ဘိူန်းအယ်နံပ် ရီမ်းပြောပါင်ကားဒဲ, အ်ုန်အီဂေါည်တောပ်ဒေင် ရွှေဆင်မင်း အ်ုန်အီမို; လံမ်ကိုမျိူး အ်ုန်အီရံပ်ဇီုင်းကပ္လိူင်ခေဲင်တံပ်ဆိုက်ရဝ်တာမိုးညဲနီန်မာ် ဂေါ,မို;ကဲမိူဝ်;ဘည်မဲ;ခေဲင်ယုင်ဒီယံင်းတိုပိုင်းကာမနီန် တိုအီးအရာပ်ကဲ ဘိူည်ဟြာင်းက္လာင်းတ တံပ်ပလိက်မြို့မကဲ ခည်ကျံရ်အံက်တိုဘာ ဆငည်း 8 ကာည်းဆငည်း 21 ကျံရ်နိုဗဲမ်ဘာ ဆငည်း 18 ခေဲင်ဆန်ုမ် 2025နီန်မာ် ကံပ်ကဇေန်းနီ ညှံမ်မိူဝ်;စိ ဘည်ဘယ်ကဲတိူဝ်;လာည်းအရေးအောႏ။
တောပ်ဘည်ခူရ်က္လာည်းဒီန် တားပလိက်ကဲ က္လာင်းတဖုင်ဆျှိုည်ဖီမျေဒါ; “ ကဇေန်နီးယုင်ကဲ အာဝ်ဘာည်းယာ့်အာည်,နီန်။ ကဲဟည်ယံင်းတောပ်ပည်ခံင်မံဝ်း။ ဂေါ,ဘည်ဒီန် ငေါ;အ်ုန်ဟည်ဂီုန်းဒေဲ;ဘိုး။ တာတီုင်တံပ်ကဲမာ် ဒဲ;ဘိူန်းရိူန်းတ တာအိုင်ကဲ တောန်ကျံရ်နီန် (100)ဆဲန်။ ဘိူည်မိူဝ;အီဟြာင်းက္လာင်းမာ် ကဲတိူဝ်;ယာ့်အရေး။ ရေဲန်လိူည်းထာင်အာဝ်နံပ်”။
ပမူစယ်နီန် တောပ်ပည်စြင်းပ်ုန်ကစုအူန်း တားလှံင်ကဲ ခေဲင်က္လာ;ဆင်ဖြူနီန် ယုင်ဒီယံင်းတိုပိုင်းကာမနီန် (18) ယုင်၊ ပစွမ်စော် (16)ယုင်၊ ပပါင်ကားဒဲ, (13) ယုင်၊ ပပါင်ကားဒါင်း ကာည်းရဘာန်းအ်ုန် ပ်ုန်ဗိူဝ်; တံပ်ဆီုက်ရဝ်အေဲမ်ခြီရ်ကဲ (17) ယုင်၊ ပကောင်းမူတုန် (5) ယုင်၊ ပဇံင်တောင်ရပ်ကွက်နီန် (1)ယုင်၊ ခေဲင်ဇံင်ဟိုမွန် (31)ယုင်၊ ပဇံင်ခရစ္စယာန်နီန် (4 ယုင်ကာည်း ပမင်္ဂလာမူစယ်နီန် (3) ယုင်အောႏ။
ပမူစယ် ကဇေန်နီး ဘိူည်မိူဝ်;ဂီုန်း ယုင်ဒီယံင်းတိုပိုင်း ကာမနီန်ခည်းဂီုန်းမာ် တားပလိက်ကာည်းဖုင်အ်ုန် ဆဲ;ဒါအာဝ်တိူဝ်;လာည်းအရေး ဆာ်မို;ယုင်ဒဲ, (25) ဆဲန် ဆာ်မို;ယုင်ဒါင်းကဲပ်ဟာဝ်းဘိုး (45)ဆဲန်အောႏ။
ကဝ်အီကပ္လါႇဘေဲႇဆဒါင် – လိုည်းပို;ဆပေ
~ ~ ~
ဆဒါင်ဖုင်ယဲဆျှိုည်ဖီမျေနီန် အာဝ်ႎံန်း ခေဲင် Facebook ကာည်း Website ဘိူန်းဘိုးဒီရ်ႈ၊ ဆဒံင်တငါဝ်း ခေဲင် ချှံန်နယ် ပ်ုန်ကိက်ပ္လေႈ ရခြူမ်ကဲနီန်အောႏ။
