မိုင်းရူပ၊ ဒီဇင်ဘာ ၁၆ ရက်၊ လားရှိုး
ရှမ်းမြောက် လားရှိုးမြို့မှာ မူးယစ်ဆေးဝါးသုံးစွဲသူတွေကို စစ်ကောင်စီတပ်က လိုက်လံပစ်ခတ်ဖမ်းဆီးချိန် အမျိုးသားတစ်ဦး ပစ်ခတ်ခံရပြီး သေဆုံးသွားခဲ့တယ်လို့ လားရှိုးမြို့ခံတွေက ရွှေဖီမြေတွေကို ပြောပါတယ်။
မူယစ်ဆေးဝါးသုံးစွဲသူတွေကို စစ်ကောင်စီတပ်ဖွဲ့ ဝင်တွေက လိုက်လံပစ်ခတ်ဖမ်းဆီးခဲ့ရာ မနေ့ ဒီဇင်ဘာ ၁၅ ရက်မှာ လားရှိုးမြို ရပ်ကွက်( ၅) ၊ ၄၉ လမ်းမှာ အမျိုးသားတစ်ဦးကို စစ်ကောင်စီတပ်က ပစ်သတ်ခဲ့ပြီး လမ်းမှာ ပစ်ထားခဲ့တယ်လို့ ဆိုပါတယ်။
ဒါ့အပြင် မူးယစ်ဆေးဝါး ရောင်းဝယ်သုံးစွဲသူတွေကိုတော့ စစ်ကောင်စီက ဖမ်းဆီးသွားပြီး ဖုန်းနဲ့ ငွေတွေ
သိမ်းယူကာ ရိုက်နှက်တာတွေ ပြုလုပ်ခဲ့တယ်လို့ မျက်မြင်တွေ့ရှိသူ လားရှိုးမြို့ခံအမျိုးသားတစ်ဦးက ရွှေဖီမြေကို ပြောပါတယ်။
“ပစ်သတ်ပြီးတော့ ဒီတိုင်းလမ်းအလယ်မှာ ထားထားတာ။ စစ်ကောင်စီက ပစ်သတ်တာ။ ပြည်သူတွေက ဘေးမှာ ပြန်ရွေ့ထားတာ။ ကျန်တဲ့သူတွေတော့ ဖမ်းတယ်။ ဖုန်း၊ ငွေသိမ်းသွားတယ်” လို့ ဆိုပါတယ်။
လားရှိုးမြို့ကို စစ်ကောင်စီတပ်ပြန်ထိန်းချုပ်ပြီးနောက် ရပ်ကွက် ၅ အထက်မန်အိုင်မှာ လောင်းကစားဝိုင်းတွေပေါများလာသလို မူးယစ်ဆေးဝါးသုံးစွဲသူတွေပေါများလာတယ်လို့ မြို့ခံတွေက ပြောပါတယ်။
ပြီးခဲ့တဲ့ နိုဝင်ဘာ ၂၅ ရက် မနက်ပိုင်းမှာလည်း ရေကန်တောင်မှာရှိတဲ့ မူးယစ်ဆေးဝါးသုံးစွဲသူတွေကို စစ်ကောင်စီ တပ်ဖွဲ့ဝင်တွေ လိုက်လံပစ်ခတ်ခဲ့ပြီး အမျိုးသား ၁ ဦး သေဆုံးကာ ၂ ဦးထိမှန်ဒဏ်ရာရခဲ့ပါတယ်။
ဒါ့အပြင် စစ်ကောင်စီလက်အောက်ခံ ရဲတပ်ဖွဲဝင်တွေက မူယစ်ဆေးဝါးအကြောင်းပြပြီး ငွေတောင်ကြမ်းတဲ့ နေရာဖြစ်လာတယ်လို့ လားရှိုးမြို့ခံတွေက ပြောပါတယ်။
~ ~ ~
ရွှေဖီမြေ သတင်းတွေကို Facebook နဲ့ Website အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။
