ရွှေဖီမြေ၊ ဧပြီ ၁၂ ရက်၊ ကလေး
စစ်ကိုင်းတိုင်း ကလေးမြို့နယ် ကြံသာရွာရှိ စစ်စခန်းကို ကျောင်းသားတပ်မတော်- ABSDF နဲ့ ပူးပေါင်းတပ်ဖွဲ့က တိုက်ခိုက်သိမ်းပိုက်ခဲ့ကြောင်း ABSDF က ဒီနေ့ ဧပြီ ၁၂ ရက် မနက်ပိုင်းမှာ ထုတ်ပြန်လာပါတယ်။
ABSDF ရဲ့ အမှတ် ၃ စစ်ကြောင်း တပ်ရင်း ၁၂ ရဲဘော်တွေနဲ့ KKG-CDF၊ ဟံသာဝတီ ပကဖ၊ CDF-SIYIN၊ ကလေးခရိုင် ခရိုင်စစ်ဒေသ ထန်တလန် DR အဖွဲ့တို့က မနေ့ ဧပြီ ၁၁ ရက်မှာ အပြီးသတ် သိမ်းပိုက်နိုင်ခဲ့တာပါ။
စခန်းသိမ်းတိုက်ပွဲကနေ သိမ်းဆည်းရမိတဲ့ လက်နက်ခဲယမ်း အရေအတွက်နဲ့ အမျိုးအစားကိုတော့ အသေးစိတ် ရေးသားဖော်ပြထားခြင်း မရှိပါဘူး။
ABSDF ဟာ အပစ်အခတ် ရပ်စဲရေးစာချုပ်ကို ၂ဝ၁၅ ခုနှစ် အောက်တိုဘာ ၁၅ ရက်မှာ ရေးထိုးခဲ့တဲ့အဖွဲ့ဖြစ်ပြီး စစ်အာဏာသိမ်းတဲ့ ၂ဝ၂၁ ကစပြီး စစ်တပ်ကို တော်လှန်တိုက်ခိုက်နေတဲ့အဖွဲ့ ဖြစ်ပါတယ်။
